Loading...

កសិករ​នៅ​ស្រុក​ព្រៃ​នប់ ប្តូរ​ទម្លាប់​ធ្វើ​ស្រែ​សន្ទូង ​មក​ពង្រោះ​វិញ

​ ង៉ែត ជិនបុត្រ​​ | ថ្ងៃចន្ទ ទី១១ ខែកក្កដា ឆ្នាំ២០១៦​ | សេដ្ឋកិច្ចជាតិ | | 0 | ម៉ោង 7:06 am

ខេត្តព្រះសីហនុ ៖ មកដល់ពេលនេះ ប្រជា កសិករនៅស្រុកព្រៃនប់ បង្កបង្កើនផលស្រូវរដូវ វស្សាបានចំនួន៩៧៤១ហិកតារ លើផ្ទៃដីចំនួន ១៣៩២៥ហិកតារ។ លទ្ធផលនេះកើតឡើង ក្រោយពេលប្រជាកសិករស្ទើរតែ ១រយភាគរយ បានប្តូរពីការដកស្ទូងមកធ្វើស្រូវពង្រោះវិញ ដោយសារមានការខ្វះខាតនូវកម្លាំងពលកម្ម ព្រោះតែបងប្អូនប្រជាពលរដ្ឋពេញកម្លាំងបាន ទៅធ្វើការនៅរោងចក្រ ដោយទទួលបានប្រាក់ កម្រៃខ្ពស់ជាងការប្រកបរបរធ្វើស្រែចម្ការ។

លោក ទិត្យ វុទ្ធី អភិបាលស្រុកព្រៃនប់ បានឱ្យដឹងថាកសិករធ្វើស្រែ បានលឿនដូចនេះ ដោយសារសព្វថ្ងៃពួកគាត់មានការផ្លាស់ប្តូរពី របៀបដកស្ទូងមកធ្វើជាស្រូវពង្រោះវិញ និងប្តូរ ពីកការអូសទាញដោយកម្លាំងគោ ក្របី មកប្រើ គ្រឿងចក្រជំនួសវិញុ ក្នុងនោះក៏មានការប្រឈម មួយចំនួនដោយសារបញ្ហាអាកាសធាតុដែលកន្លង មក បានអូសបន្លាយនូវភាពរាំងស្ងួតមានរយៈពេលវែង តែមកដល់សព្វថ្ងៃមានភ្លៀងធ្លាក់ច្រើន ធ្វើឱ្យស្រូវពង្រោះរបស់ពួកគាត់ រលួយអស់មួយ ចំនួន ដោយសារការបង្ហូរទឹកមិនចេញរបស់ទំនប់ ប៉ុលឌែចាល់ពីទឹកសមុទ្រ។

លោក អ៊ឹង សំអុល ប្រធានការិយាល័យ កសិកម្មស្រុកព្រៃនប់ បានបញ្ជាក់ឱ្យដឹងផងដែរ ថា ប្រជាកសិករនៅក្នុងស្រុកព្រៃនប់ទាំងមូល បានធ្វើស្រែដោយពង្រោះ ស្ទើរតែ១រយភាគរយ ហើយពួកគាត់ជួបការបំផ្លាញពីសត្វល្អិតមួយ ចំនួនផងដែរ តែត្រូវបានមន្ត្រីជំនាញ ជួយទាន់ ពេលវេលា។ ក្នុងនោះមន្ត្រីជំនាញកសិកម្មស្រុក បានប្រជុំផ្សព្វផ្សាយធ្វើស្រែបង្ហាញទៅដល់ពួក គាតនិង វិធីផ្លាស់ប្តូរពូជ ដើម្បីទទួលបានទិន្នផលខ្ពស់ហើយ លោកក៏បានសំណូមពរដល់ប្រជា កសិករទាំងអស់ ត្រូវយកចិត្តទុកដាក់ថែទាំស្រូវ របស់ខ្លួនឱ្យបានដិតដល់ និងរាល់បាតុភាព ដែល កើតមានឡើង ត្រូវរាយការណ៍មកអាជ្ញាធរមូល ដ្ឋានគ្រប់លំដាប់ថ្នាក់ ដើម្បីចុះជួយឱ្យបានទាន់ ពេលវេលា“៕

20160708_112212