អតីតបេក្ខជនប្រធានាធិបតី និងជាស្តេចប្រដាល់ហ្វីលីពី លោកម៉ានី ម៉ាក់គីអាវ ដែលបានប្រកាសចូលនិវត្តន៍ពីសង្វៀន ប្រដាល់កាលពីឆ្នាំមុនបានប្រាប់ AFP កាលពីថ្ងៃអង្គារទី៦ខែកញ្ញាឆ្នាំ២០២២ ថាលោកកំពុងពិចារណាវិលត្រឡប់ឡើង សង្វៀនប្រដាល់នៅអារ៉ាប៊ីសាអូឌីតក្នុងខែមករាឆ្នាំ២០២៣។
អតីតជើងឯកពិភពលោកវ័យ៤៣ឆ្នាំរូបនេះនឹងជួបពិភាក្សាគ្នាជុំវិញការប្រកួតជាមួយនឹងអតីតដៃគូប្រយុទ្ធរបស់បារាំងគឺកីឡាករ Jaber Zayani ក្នុងទីក្រុង Riyadh។
ប៉ាក់គីអាវដែលពីមុនបដិសេធមិនវិលមកអាជីពប្រដាល់ បាននិយាយតាមទូរស័ព្ទពីទីក្រុងកំណើតរបស់គាត់គឺ General Santos ជាកន្លែងដែលលោកកំពុងរៀបចំសម្រាប់ការប្រកួតសប្បុរសធម៌ប្រឆាំងនឹងអ្នកបង្កើត YouTuber កូរ៉េខាងត្បូងលោកDK Yooនៅក្នុងខែធ្នូថា យើងនឹងចាប់ផ្តើមពិភាក្សា ។
ជាមួយគ្នាននេះដែរប៉ាក់គីអាវបាននិយាយអំពីការប្រកួតសប្បុរសធម៌របស់គាត់ជាមួយនឹងអ្នកក្បាច់គុនចម្រុះ YouTuber DK Yoo នៅថ្ងៃទី ១០ ខែធ្នូ នៅទីក្រុងសេអ៊ូលថា៖ «ខ្ញុំនឹងរៀបចំដូចគ្នាដែលខ្ញុំហ្វឹកហាត់សម្រាប់ការប្រកួតពិតប្រាកដ។
Yoo មានអ្នកជាវច្រើនជាង 650,000 នាក់នៅលើ YouTube ជាកន្លែងដែលគាត់បានផ្សព្វផ្សាយទម្រង់ក្បាច់គុនដោយខ្លួនឯងដែលហៅថាប្រព័ន្ធប្រយុទ្ធក្នុងសង្គ្រាម។
Yoo បាននិយាយពីមុនថាខ្ញុំដឹងថាខ្ញុំនឹងមិនឈ្នះគាត់ទេ ប៉ុន្តែខ្ញុំនឹងព្យាយាមឱ្យអស់ពីសមត្ថភាពដើម្បីធ្វើឱ្យគាត់ភ្ញាក់ផ្អើល។អ្នករៀបចំបាននិយាយថា ភាគច្រើននៃប្រាក់ដែលបានពីការរៃអង្គាសក្នុងព្រឹត្តិការណ៍នេះនឹងយកទៅសាងសង់ផ្ទះឡើងវិញនៅក្នុងប្រទេសអ៊ុយក្រែនដែលរងគ្រោះដោយជម្លោះ៕