ភ្នំពេញ ៖ សម្តេចហ៊ុន សែន អតីតនាយករដ្ឋមន្ត្រី និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានឧបត្ថម្ភថវិកា ៥លានរៀល និងគ្រឿងឧបភោគ បរិភោគមួយចំនួន ជូនគ្រួសារកូនភ្លោះ៣ (ស្រី៣ ប្រុស១)។
អំណោយដ៏ថ្លៃថ្លារបស់សម្តេចហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបានលោក សេង ទៀង នាយក រងខុទ្ទកាល័យសម្តេចហ៊ុន ម៉ាណែត នាយករដ្ឋមន្ត្រីកម្ពុជា នាំយកទៅប្រគល់ជូនគ្រួសារខាងលើ កាលពី ព្រឹកថ្ងៃទី០៥ ខែមករា ឆ្នាំ២០២៤ នៅចំណុចផ្ទះជួល លេខ១០អាបេ ផ្លូវលេខ២១២ ភូមិ១៤ សង្កាត់ផ្សារដើមគ ខណ្ឌទួលគោក។
គ្រួសារដែលមានកូនភ្លោះ៣ នេះ ជាកូនលើកទី៣ មានឪពុកឈ្មោះ ប៊ូ គឹមយឿន អាយុ ៣៤ឆ្នាំ មុខរបរបុគ្គលិក ធនាគារឯកជន នៅខេត្តមណ្ឌលគិរី ម្តាយឈ្មោះម៉ាក ម៉ាលីន អាយុ ២៨ឆ្នាំ មុខរបរលក់សម្លៀកបំពាក់។ ទារកភ្លោះទាំង៣ សម្រាលកាលពីថ្ងៃទី០៧ ខែធ្នូ ឆ្នាំ២០២៣ នៅមន្ទីរពេទ្យកុមារជាតិ រាជធានីភ្នំពេញ។
នៅចំពោះមុខគ្រួសារកូនភ្លោះ៣ នេះ លោក សេង ទៀង មានប្រសាសន៍នាំនូវការផ្តាំផ្ញើសាក សួរសុខទុក្ខពី សម្តេចហ៊ុន សែន និងសម្តេចកិត្តិព្រឹទ្ធបណ្ឌិត ជូនដល់គ្រួសារខាងលើ។ លោក សេង ទៀង បានរំលឹកថា ចាប់តាំងពីឆ្នាំ១៩៩៩ រហូតមកដល់បច្ចុប្បន្ននេះ ពោលគឺរយៈពេលប្រមាណ ២៥ឆ្នាំកន្លងមកនេះ មានគ្រួសារ ប្រសូតកូនភ្លោះ៣ នាក់ ឬ៤នាក់ ចំនួន៤១១គ្រួសារហើយ បានទទួលអំណោយឧបត្ថម្ភដ៏សប្បរសធម៌ ពីសម្តេច ហ៊ុន សែន និងសម្តេចកិត្តិព្រឹទ្ធបណ្ឌិត ក្នុងការជួយទំនុកបំរុងដល់ការលំបាកខ្វះខាត ក្នុងជីវភាពរស់នៅប្រចាំ ថ្ងៃ។ ជាពិសេសការចិញ្ចឹមបីបាច់ទារកភ្លោះ ៣នាក់ ត្រូវជាចៅៗរបស់សម្តេច ទាំងទ្វេ នៅពេលឆ្លង ទន្លេរួច។
នាយករងខុទ្ទកាល័យសម្តេចនាយករដ្ឋមន្ត្រី បន្តថា ជំនួយឧបត្ថម្ភទាំងអស់នេះ មិនមែនជាអំណោយរបស់រាជ រដ្ឋាភិបាល អំណោយរបស់កាកបាទក្រហមកម្ពុជា ឬអំណោយរបស់គណបក្ស ដែលបម្រើឱ្យសកម្មភាពនយោ បាយនោះទេ។ អំណោយទាំងអស់នេះ គឺជាអំណោយទានកើតចេញពីទឹកចិត្តជ្រះថ្លាប្រកបដោយ ការគិតគួរ ខ្ពស់របស់សម្តេចហ៊ុន សែន និងសម្តេចកិត្តិព្រឹទ្ធបណ្ឌិត ដែលបានឈ្វេងយល់ពីការលំបាកពិតប្រាក ដចំពោះ ប្រជាពលរដ្ឋដែលបានសម្រាលកូនភ្លោះ៣ ឬ៤នាក់។
គ្រួសារកូនភ្លោះ៣ ខាងលើនេះ បានគោរពថ្លែងអំណរគុណយ៉ាងជ្រាលជ្រៅបំផុត ជូនសម្តេចហ៊ុន សែន និងសម្តេចកិត្តិព្រឹទ្ធបណ្ឌិត ដែលជានិច្ចកាលចាត់ទុកប្រជាពលរដ្ឋទីទ័លក្រ ងាយរងគ្រោះ គឺជាការលំបាក ផ្ទាល់របស់សម្តេចទាំងទ្វេ ហើយសម្តេច តែងចាត់ឱ្យតំណាងនាំថវិកា និងសម្ភារៈដ៏មានតម្លៃបំផុតនេះ ចែកជូនផ្ទាល់ដៃដល់គ្រួសារសម្រាលបានកូនភ្លោះបីនាក់ ដើម្បីជួយសម្រាលការលំបាកក្នុងការចិញ្ចឹមបីបាច់កូន ឱ្យមានជីវិតរស់នៅ និងមានអនាគតល្អដូចពលរដ្ឋដទៃទៀតក្នុងសង្គម។
អំណោយជូនដល់គ្រួសារកូនភ្លោះ៣ ខាងលើនេះ ក្រៅពីថវិកា ៥លានរៀល មានអង្ករ ៥០គីឡូក្រាម ទឹកដោះ គោ ២កេសធំ ស្ករ-ស ៥គីឡូក្រាម សារុង២ និងក្រមា២៕