សមត្ថកិច្ចប្រទះឃើញនារីវ័យក្មេងម្នាក់ ដើរវង្វេងតាមផ្លូវ និងដៃយួរថង់មានសំលៀកបំពាក់មួយថង់ ដើរមិនមានគោលដៅច្បាស់លាស់ត្រូវសមត្ថកិច្ចឃាត់មកចិញ្ចើមផ្លូវសួរនាំ កាលពីវេលាម៉ោង១០និង៣០នាទីព្រឹកថ្ងៃទី០១ ខែ កុម្ភ: ឆ្នាំ ២០១៧ នៅចំណុចសុខ សានលាងរថយន្ត តាមផ្លូវ២០៥កែងផ្លូវ៣១៨ ស្ថិតនៅភូមិ៩ សង្កាត់ទួលស្វាយព្រៃទី២ ខណ្ឌចំការមន ។
តាមសម្តីរបស់នគរបាលព្រហ្មទណ្ឌប៉ុស្តិ៍ទួលស្វាយព្រៃទី២ បានប្រាប់ថា កម្លាំងល្បាតក្នុងមូលដ្ឋានមកដល់តាមផ្លូវ២០៥បានប្រទះឃើញនារីវ័យក្មេងអាយុជាង២០ឆ្នាំ ពាក់អាវយឺត ដៃខ្លីពណ៌ត្រួយចេក ស្លៀកខោខ្លីពណ៌ស ឈរនៅកណ្ដាលផ្លូវហើយ ក៏ហៅឈរមកនៅចិញ្ចើមផ្លូវដើម្បីសួរនាំតើមកពីណាទៅណា ?
សមត្ថកិច្ចបន្តទៀតថា ពេលដែលសួរនាំនារីរូបនោះ មិនបានប្រាប់ឈ្មោះទេ ហើយសួរថាមកពីណាក៏មិននិយាយអ្វីទាំងអស់ បានត្រឹមក្រវីក្បាល ក៏ហៅឡើងម៉ូតូទៅសាលា សង្កាត់ខ្លាចដើរតាមផ្លូវគ្រោះថ្នាក់ចរាចរណ៍ តែមិនព្រមឡើងម៉ូតូទេបានរត់ចេញពី សមត្ថកិច្ចទៅហៅម៉ូតូឌុបជិះចេញបានបន្តិចក៏ចុះពីលើម៉ូតូដើរបន្តដំណើរទៅផ្សារដើមគរ បាត់ទៅ ។
បើតាមការសន្និដ្ឋានថា របស់សមត្ថកិច្ចសង្ស័យថាមានបញ្ហាសសៃប្រសាទ មិនដឹងជាកូនចៅអ្នកណាទេ ហើយរស់នៅទីណា ៕