ភ្នំពេញ ៖ ស្រីស្រស់ ជូរី ល្អហួស ដែលទើបមានអាយុ១៦ឆ្នាំ បានចាប់ដៃជាមួយតារាសម្ដែងជើងចាស់ លោកសាវិន ហ្វីលីព ដែលមានអាយុ៥៤ឆ្នាំ ពោលគឺបងនាងដល់ទៅ ៣៨ឆ្នាំ សម្ដែង MV មួយបទ ដែលមានចំណងជើងថា «ក្អែកស្លាបហង្ស» ដែលនាងលេងជាស្រីស្នេហ៍របស់លោកហ្វីលីព ។
ប្រភពបានឲ្យដឹងថា ទោះជាមានវ័យខុសគ្នាច្រើនឆ្នាំមែន ប៉ុន្ដែល្អហួស ដែលលេងជាតួរបៀបនេះលើកទី១ ធ្វើបានល្អ ទៅតាមអ្នកដឹកនាំសម្ដែងចង់បាន ខណៈលោក តូ យោធិន ហៅសាវិន ហ្វីលីព លោកហាក់ស៊ាំទៅហើយនឹងតួអង្គប្រភេទនេះ ព្រោះកន្លងមក អ្នកដឹកនាំរឿង ច្រើនតែតម្រូវឲ្យលោកលេងជាតួបងធំ ច្បាំងគ្នាដណ្ដើមស្រីក្មេង ឬចិញ្ចឹមស្រីក្មេងៗ ទុកលេងល្បែងស្នេហា ជាដើម ។
ល្អហួស វាចាថា «ជាលើកទីមួយដែលសម្ដែងតួបែបនេះ កុំស្អប់ល្អហួស ណា Fan» ។
ទោះជាល្អហួស ភ្លក្សរសជាតិធ្វើជាស្រីកំណាន់លោកសាវិន ហ្វីលីព គ្រាន់តែជា MV តែគេជឿថា ក្រោយស្រីស្អាតហ៊ានលេងជាតួប្រភេទនេះ លើកទី១ ក្នុងអាជីពបែបនេះ ច្បាស់ជានឹងមានអ្នកដឹកនាំ MV ផ្សេងទៀត តម្រូវឲ្យនាងលេងតួប្រភេទនេះ ជាមួយតារាជើងចាស់ម្នាក់ទៀត ដែលល្បីសម្ដែងសមបំផុត រឿងចិញ្ចឹមស្រីក្មេង គឺលោកចា រិទ្ធី ជាមិនខាន ។ ប៉ុន្ដែគេនៅមិនទាន់ដឹងថា តើល្អហួស ហ៊ានសាកលេងឈុតនេះជាលើកទី២ ឬអត់នោះទេ ព្រោះតាមព័តមានថា លោកចា រិទ្ធី លេងឈុតបែបនេះ ដៃដល់ និងលេងស្និទ្ធ សមជាងលោកសាវិន ហ្វីលីព ទៅទៀត ។
សូមបញ្ជាក់ថា កញ្ញា ជូរី ល្អហួស ដែលមានឈ្មោះដើម សុខ គីមហ័ង ជាម្ចាស់មកុដ Miss Preteen Junior Idol World 2024 ដែលអាចនិយាយបាន ៣ភាសា គឺភាសារខ្មែរ, ភាសាអង់គ្លេស និងភាសាថៃ ។ ក្រៅពីជាតារាសម្តែង និងម៉ូដែលម្នាក់ដ៏ទាក់ទាញ ល្អហួស ក៏ចេះច្រៀង និងចេះរាំរបាំបុរាណខ្មែរ ៧របាំ យ៉ាងស្ទាត់ជំនាញ ដូចជា «របាំអប្សរា» , «របាំថ្វាយព្រះពរ», «របាំនារីជាជួរ», «របាំជូនពរ», «របាំឈួយឆាយ», «របាំនាគបួងសួង» និង «របាំភួងនារី» ។ ទាក់ទងការថត MV ល្អហួស មិនសូវចេញមុខថតញឹកញាប់ទេ បន្ទាប់ពីនាងធ្លាប់ចាប់ដៃកូនលោកឧកញ៉ាព្រាប សុវត្ថិ គឺសុវត្ថិ មុនីវណ្ណ ថតបទ «នាងអើយ» ។
ទស្សនិកជនបានសរសើរនូវទេពកោសល្យសិល្បៈរបស់ល្អហួស ថាបានទាំងបុរាណ និងសម័យ ហើយពេលនេះ នាងឈានមួយជំហានទៀត គឺការលេងជាតួអង្គស្រីស្នេហ៍អ្នកមាន ដែលច្បាស់ណាស់ថាក្នុងរូបសម្រស់គួរឲ្យក្នក់ក្នាញ់បែបនេះ ល្អហួស ប្រាកដជានឹងធ្វើឲ្យប្រុសៗទ្រព្យស្ដុកជាច្រើនកាន់តែជ្រួលជ្រើមនឹងសម្រស់នាងជាមិនខាន ៕
