សម្រាប់រដូវកាលដោះដូរខែមករា ២០១៩ ខាងមុខនេះ ក្លឹបមាន់ខ្នាយមាស Tottenham ចាប់អារម្មណ៍ចង់បានកីឡាករខ្សែបម្រើ Wilmar Barrios ដែលកំពុងលេងឱ្យក្លឹបបាល់ទាត់អាហ្សង់ទីន Boca Juniors។
Barrios មានបំណងចាកចេញពីក្លឹប Boca Juniors នៅខែមករា២០១៩ ខាងមុខនេះ ស្របពេលដែលមានដំណឹងថា Tottenham ចង់បាន។
ក្រៅពីក្លឹប Tottenham កីឡាកររូបនេះ ក៏ត្រូវបានក្លឹបបាល់ទាត់អេស្ប៉ាញ ចង់បានផងដែរ តែទំនងជាទៅមិនរួចជាមួយក្លឹប Totteham ទេ។
កីឡាករវ័យ២៥ឆ្នាំរូបនេះ ដែលបានបង្ហាញសមត្ថភាពលេចធ្លោនៅក្នុងព្រឹត្តិការណ៍ប្រកួតបាល់ទាត់ពិភពលោក២០១៨ នៅប្រទេសរុស្ស៊ី។
ប្រភពព័ត៌មានមួយ បានបង្ហើបឱ្យដឹងថា កីឡាកររូបនេះ មានតម្លៃខ្លួនជាង២០លានដុល្លារ ហើយ Real Madrid ហ៊ានឱ្យតម្លៃខ្លួនកីឡាករជម្រើសជាតិកូឡុំប៊ី រូបនេះ ជាង៣២លានដុល្លារ។
កីឡាករខ្សែបម្រើ Wilmar Barrios បានចូលមកលេងឱ្យក្លឹប Boca Juniors តាំងពីឆ្នាំ២០១៦។ នៅជាមួយក្លឹបនេះ ធ្លាប់ស៊ុតបាល់បាន១គ្រាប់ ក្នុងការបង្ហាញវត្តមាន៤៧ប្រកួត៕