Loading...

ប្រទេសអាស៊ី៤ ចាប់ដៃគ្នាដេញថ្លៃធ្វើម្ចាស់ផ្ទះបាល់ទាត់ពិភពលោក២០៣០

​ សុ វណ្ណារ៉ា​​ | ថ្ងៃពុធ ទី១៩ ខែកញ្ញា ឆ្នាំ២០១៨​ | កីឡាអន្ដរជាតិ | | 0 | ម៉ោង 15:49 pm

យោងតាមទីភ្នាក់ងារព័ត៌មានកូរ៉េ Yon-Hap ចេញផ្សាយកាលពីពេលថ្មីៗនេះ បានឱ្យដឹងថា រដ្ឋមន្ត្រីកីឡាកូរ៉េខាងត្បូង លោក Do Jong-hwan គ្រោងចាប់ដៃប្រទេសអាស៊ី៣ទៀត ដេញថ្លៃរួមគ្នាធ្វើម្ចាស់ផ្ទះការប្រកួតកីឡាបាល់ទាត់ពិភពលោក២០៣០។ ប្រទេសដែលកូរ៉េខាងត្បូង គ្រោងនឹងបបួលនោះ រួមមាន ប្រទេសចិន ជប៉ុន និងកូរ៉េខាងជើង។

លោក Do Jong-hwan បានលើកឡើងថា ការធ្វើម្ចាស់ផ្ទះរួមគ្នានេះ គឺអាចរក្សាបរិយាកាសនៃសន្តិភាពនាពេលបច្ចុប្បន្ន ពង្រីកសន្តិភាពក្នុងតំបន់ និងនៅឧបទ្វីបកូរ៉េទៀតផងដែរ។

ជាមួយគ្នានេះដែរ លោកដ្ឋមន្ត្រីកីឡាកូរ៉េខាងត្បូងរូបនេះ ក៏គ្រោងស្នើកូរ៉េខាងជើង រួមគ្នាធ្វើម្ចាស់ផ្ទះកីឡាអូឡាំពិក និងប៉ារ៉ាឡាំពិក ឆ្នាំ២០៣២ទៀតផង។

សម្រាប់ការដេញថ្លៃធ្វើម្ចាស់ផ្ទះបាល់ទាត់ពិភពលោក២០៣០ មានប្រទេសពីតំបន់អាមេរិកឡាទីន៣ រួមមាន អាហ្សង់ទីន អ៊ុយរូហ្គាយ និងប៉ារ៉ាហ្គាយ បានប្រកាសរួមគ្នាប្រជែងធ្វើម្ចាស់ផ្ទះរួចហើយ រួមទាំង ម៉ារ៉ុក ទុយនីស៊ី និងអាល់ហ្សេរី ក៏រួមគ្នាដើម្បីរៀបចំការប្រកួតនេះដែរ៕

លោក Do Jong-hwan