អំឡុងពេលមនុស្សទូទាំងប្រទេសចូលរួមអបអរសាទរចូលឆ្នាំថ្មី ឆ្នាំសាកល២០២០នោះ អ្នកនាងនៅសុនិតា ក៏បានរំលឹកប្រវត្តិស្នេហាក្នុងថ្ងៃឆ្លងឆ្នាំជាមួយស្វាមីកាលពីឆ្នាំមុន ដាយបានឱបដៃស្វាមីឈរមើលកាំជ្រួចនៅវិមានឈ្នះឈ្នះ ខណៈដែលនាងកំពុងពពោះ១៤សប្តាហ៍ (៣ខែកន្លះ)។
នៅ សុនិតា បានបង្ហោះសារថា “Happy new year ឆ្នាំមុន ពេលនេះ ម៉ោងនេះ ជាថ្ងៃដែលរំភើបបំផុតដែលយើងបានចាប់ដៃគ្នាឆ្លងឆ្នាំក្នុងឱកាសសម្ពោធវិមានឈ្នះ ដោយមានអមកាំជ្រួចនៅពីក្រោយហាក់បីដូចជាកំពុងអបអរសាទរដល់ពួកយើងទាំងពីរ ដែលពេលនោះសង្ក្រាន្ត បានចាប់កំណើតក្នុងផ្ទៃ14អាទិត្យ”។
សុនិតា បន្តថា “ម្តាយជួយរំលែកការងារលោកប៉ាផង កំដរលោកប៉ាកប់ៗព្រលប់ ហើយម្តាយឆ្លៀតដើរម៉ូតទៀត តែកូនល្អអត់ធ្វើទុក្ខមាំមីសោះ ទោះបីជីវិតពួកយើងស្គាល់គ្នាទើបតែជាង2ឆ្នាំមែន តែយើងស្គាល់ពីទុក្ខលំបាក សប្បាយ កំសត់ តស៊ូ មើលថែមិនបោះបង់គ្នាពេលជួបគ្រាលំបាក”។
សុនិតា បន្ថែមថា “ពួកយើងត្រូវកាន់ដៃគ្នាបន្តដំណើរទៅមុខទៀត កុំថយក្រោយ ទោះជួបឧបសគ្គលំបាកច្រើនជាងនេះយ៉ាងណាក៏ដោយគឺពួកយើងបោះបង់គ្នាជាដាច់ខាត អ្វីដែលធ្វើអោយពួកយើងមានកំលាំងចិត្តមុតមាំតទៅមុខទៀតនោះ គឺសង្ក្រាន្ត ជាមនុស្សតែម្នាក់ដែលធ្វើអោយពួកយើងកាន់តែស្គាល់ពាក្យថា ប្តីប្រពន្ធ ស្រលាញ់ គោរព ថែរក្សាភាពស្មោះត្រង់ និងសុភមង្គល”។
គួបញ្ជាក់ថា នៅ សុនិតា បានភ្ជាប់ស្នេហ៍ជាមួយលោកទិត ថាវរិទ្ធ ដោយបង្កើតកូនប្រុសម្នាក់ មានឈ្មោះថា “សង្ក្រាន្ត” មានវ័យជាង៥ខែទៅហើយ៕
