ប្រទេសឥណ្ឌានិងចិន បានព្រមព្រៀងគ្នាដកទាហានដែលឈរជើងនៅតាមបណ្តោយព្រំដែនក្បែរតំបន់ Ladakh ដើម្បីកាត់បន្ថយការប្រឈមមុខដាក់គ្នាផ្នែកយោធា ដែលបានប៉ះទង្គិចគ្នាដោយហិង្សាជាច្រើនលើកចាប់តាំងពីខែឧសភា ឆ្នាំ២០២០។
ភាគីទាំងពីរបានចេញសេចក្តីថ្លែងការណ៍ស្រដៀងគ្នាកាលពីថ្ងៃព្រហស្បតិ៍ដោយប្រកាសពីការសម្រេចចិត្តដែលនឹងឃើញកងកម្លាំងឥណ្ឌានិងចិនដកថយពីតំបន់ព្រំដែនដែលមានជម្លោះនៅក្នុងជ្រលងទន្លេ Chang Chenmo ។
ក្រសួងការពារជាតិចិនបានមានប្រសាសន៍កាលពីថ្ងៃទី៨ ខែកញ្ញាថាយោងតាមការព្រមព្រៀងគ្នាដែលបានឈានដល់ក្នុងកិច្ចចរចាកម្រិតមេបញ្ជាការជុំទី១៦ រវាងប្រទេសចិន និងឥណ្ឌា កងទ័ពជួរមុខនៃយោធារបស់ប្រទេសទាំងពីរនៅតំបន់ Ganandaban បានចាប់ផ្តើមដកចេញតាមផែនការ។
លោកបានបន្ថែមថា ចំណាត់ការនេះគឺអំណោយផលដល់ការរក្សាសន្តិភាព និងភាពស្ងប់ស្ងាត់នៅតាមតំបន់ព្រំដែន។
ទីក្រុងញូវដេលីក៏បាននិយាយផងដែរថាការសម្រេចចិត្តនេះនឹងជួយលើកកម្ពស់ សន្តិភាពនិងភាពស្ងប់ស្ងាត់នៅក្នុងតំបន់។
ឥណ្ឌា និងចិន ធ្លាប់បានធ្វើសង្រ្គាមលើតំបន់ជម្លោះក្នុងឆ្នាំ 1962ប៉ុន្តែបរាជ័យក្នុងការព្រមព្រៀងគ្នាលើព្រំដែនដែលបានកំណត់យ៉ាងច្បាស់ដែលធ្វើឱ្យមានភាពចម្រូងចម្រាសជាបន្តបន្ទាប់ក្នុងរយៈពេលជាច្រើនឆ្នាំរហូតមកដល់ពេលនេះ៕