នាយករដ្ឋមន្ត្រីអាមេនីលោក Nikol Pashinyan បាននិយាយកាលពីថ្ងៃអង្គារទី១៣កញ្ញាទី២០២២ថាទាហានរបស់ខ្លួន ចំនួន៤៩នាក់ត្រូវបានសម្លាប់នៅក្នុងការវាយប្រហារមួយនៅពេលយប់ដោយកម្លាំរបស់ប្រទេសអាស៊ែបៃហ្សង់។អាស៊ែបៃហ្សង់ បានឆ្លើយតបថាខ្លួនបាននឹងកំពុងសងសឹកបន្ទាប់ពីការវាយប្រហាររបស់អាមេនី។តួលេខអ្នកស្លាប់របស់អាស៊ែបៃហ្សង់ មិនត្រូវ បានគេបង្ហើបអោយដឹងនោះទេ។នេះបើយោងតាមការចេញផ្សាយរបស់ទីភ្នាក់ងារសារព័ត៌មានAP ។
ក្រសួងការបរទេសអាស៊ែបៃហ្សង់បាននិយាយនៅក្នុងសេចក្តីថ្លែងការណ៍មួយថាកងកម្លាំងអាមេនីបានបាញ់ទៅលើទីតាំងកងទ័ពនៅក្នុងស្រុកចំនួនបីហើយថាអ្នកបះបោរអាមេនីបាន បង្កប់គ្រាប់មីននៅក្នុងតំបន់នោះ។ ។
ប្រទេសអាស៊ែបៃហ្សង់និងអាមេនីត្រូវបានជាប់គាំងនៅក្នុងជម្លោះដែលមានអាយុកាលរាប់ទសវត្សរ៍លើតំបន់ Nagorno-Karabakh ដែលជាផ្នែកមួយរបស់ប្រទេសអាស៊ៃបៃហ្សង់ ប៉ុន្តែបានស្ថិតនៅក្រោមការគ្រប់គ្រងរបស់កងកម្លាំងជនជាតិភាគតិចអាមេនីដែលគាំទ្រដោយអាមេនីចាប់តាំងពីសង្រ្គាមផ្តាច់ខ្លួននៅទីនោះបានបញ្ចប់ក្នុងឆ្នាំ១៩៩៤។
ក្នុងអំឡុងសង្គ្រាមរយៈពេលប្រាំមួយសប្តាហ៍កាលពីឆ្នាំ ២០២០ដែលបានសម្លាប់មនុស្សជាង ៦៦០០នាក់ អាស៊ែបៃហ្សង់បានដណ្តើមយកផ្នែកធំនៃ Nagorno-Karabakh និងតំបន់ជុំវិញដែលត្រូវបានគ្រប់គ្រងអស់ជាច្រើនទសវត្សរ៍ដោយពួកបំបែកខ្លួនដែលគាំទ្រដោយអាមេនី។
ប្រទេសទាំងពីរបានបញ្ចប់ជាមួយនឹងបទឈប់បាញ់គ្នាដោយមានរុស្ស៊ីជាអាជ្ញាកណ្តាលដោយដាក់កងរក្សាសន្តិភាពរុស្ស៊ីដាក់ពង្រាយទៅកាន់តំបន់ Nagorno-Karabakh ។
បទឈប់បាញ់ដែលសម្របសម្រួលដោយទីក្រុងម៉ូស្គូបានបន្សល់ទុកពាក់កណ្តាលនៃតំបន់ Nagorno-Karabakh ដែលរស់នៅដោយជនជាតិអាមេនីនិងត្រូវបានការពារដោយកងរក្សាសន្តិភាពរុស្ស៊ីខណៈដែលទឹកដីផ្សេងទៀតទាំងអស់ដែលគ្រប់គ្រងដោយអាមេនីពីមុនត្រូវបានប្រគល់ឱ្យអាស៊ែបៃហ្សង់ វិញ។
អាមេនី អំពាវនាវដល់ប្លុកយោធាដឹកនាំដោយរុស្ស៊ី
នាយករដ្ឋមន្ត្រីអាមេនីលោក Nikol Pashinyan បានកោះប្រជុំក្រុមប្រឹក្សាសន្តិសុខបន្ទាន់មួយកាលពីព្រឹកថ្ងៃអង្គារ ដើម្បីរៀបចំ វិធានការណ៍ឆ្លើយតប បន្ទាប់ពីមានការកើនឡើងនៃអរិភាពនៅតាមព្រំដែនជាមួយប្រទេសអាស៊ែបៃហ្សង់ ។
លោក Nikol Pashinyan បានប្រកាសបន្ទាប់ពីកិច្ចប្រជុំ
សន្តិសុខជាតិនៅចំពោះមុខការឈ្លានពានប្រឆាំងនឹងអធិបតេយ្យភាពនៃសាធារណរដ្ឋអាមេនីយើងបានសម្រេចចិត្តអំពាវនាវជាផ្លូវការទៅកាន់សហព័ន្ធរុស្ស៊ីដើម្បីអនុវត្តបទប្បញ្ញត្តិនៃសន្ធិសញ្ញាមិត្តភាព កិច្ចសហប្រតិបត្តិការ និងការជួយគ្នាទៅវិញទៅមកក៏ដូចជាសន្តិសុខសមូហភាពរបស់អង្គការសន្ធិសញ្ញាCSTOនិងក្រុមប្រឹក្សាសន្តិសុខអង្គការសហប្រជាជាតិ។ លោក លោក Nikol Pashinyan បានប្រកាសបន្ទាប់ពីកិច្ចប្រជុំសន្តិសុខជាតិ។អាមេនីមិនទាន់បានដាក់ពាក្យប្តឹងឧទ្ធរណ៍ជាផ្លូវការណាមួយនៅឡើយទេហើយវានៅតែមិនច្បាស់ថាតើជំនួយប្រភេទណាដែលខ្លួនស្នើសុំ។ ទាំងរុស្ស៊ី និងអាមេនី គឺជាផ្នែកមួយនៃ CSTO ដែលជាកតិកាសញ្ញាការពារទៅវិញទៅមក ដែលស្រដៀងទៅនឹងប្លុកណាតូដែលដឹកនាំដោយសហរដ្ឋអាមេរិកដែលបង្កើតឡើងដោយអតីតសាធារណរដ្ឋសូវៀតចំនួនប្រាំមួយផងដែរ រួមមានបេឡារុស កាហ្សាក់ស្ថាន កៀហ្ស៊ីស៊ីស្ថាន និងតាជីគីស្ថាន។ រុស្ស៊ីនិង និងអាមេនីក៏មានសន្ធិសញ្ញាមិត្តភាព កិច្ចសហប្រតិបត្តិការ និងជំនួយទៅវិញទៅមកដាច់ដោយឡែក ដែលប្រារព្ធខួបលើកទី២៥របស់ខ្លួននៅថ្ងៃទី២៩ ខែសីហា៕