កាលពីថ្ងៃពុធទី១៤ខែកញ្ញាឆ្នាំ២០២២ តុលាការធម្មនុញ្ញថៃ បានកំណត់យកថ្ងៃទី៣០ ខែកញ្ញា ជាថ្ងៃប្រកាសសាលក្រមលើ អាណត្តិរយៈពេលប្រាំបីឆ្នាំរបស់នាយករដ្ឋមន្ត្រី ប្រាយុទ្ធ ចាន់អូចាទៅតាមសំណើសុំអោយបកស្រាយរបស់គណបក្សប្រឆាំភឿថៃ។
លោក ប្រាយុទ្ធ ដែលបានដណ្ដើមអំណាចនៅក្នុងរដ្ឋប្រហារឆ្នាំ ២០១៤ទម្លាក់លោកស្រីយីងឡាក់មុនពេលក្លាយ ជានាយករដ្ឋមន្ត្រី ជាផ្លូវការប៉ុន្មានខែក្រោយមក បច្ចុប្បន្នត្រូវបានព្យួរ ខណៈតុលាការកំពុងពិចារណាលើសំណុំរឿងដែលប្តឹងដោយ គណបក្សភឿថៃ ដែលបានអះអាងថាអាណត្តិនាយករដ្ឋមន្ត្រីរបស់លោកផុតសកំណត់កាលពីខែមុន។
អតីតមេទ័ពនៅតែសកម្មក្នុងតំណែងជារដ្ឋមន្ត្រីការពារជាតិផ្សេងទៀតរបស់គាត់ហើយអាចត្រលប់មកធ្វើជានាយករដ្ឋមន្ត្រីវិញប្រសិនបើតុលាការសម្រេចថាអាណត្តិនាយករដ្ឋមន្ត្រីរបស់គាត់មិនទាន់គ្រាប់ប្រាំបីឆ្នាំនៅឡើយ។អនុប្រធានរបស់លោកគឺប្រាវីតវង្សសូវណ្ណកំពុងបម្រើការជានាយករដ្ឋមន្ត្រីចាំផ្ទះ។
លោកប្រាយុទ្ធអាយុ៦៨ឆ្នាំមិនបានផ្តល់យោបល់
លើករណីនេះទេហើយបាននិយាយថា លោកនឹងគោរពលទ្ធផលនេះរបស់តុលាការធម្មនុញ្ញ។គួររំឭកថាបញ្ហាចម្រូងចម្រាស់អំពីអាណត្តិ៨ឆ្នាំ របស់លោកប្រាយុទ្ធបានក្លាយជាប្រធានបទក្តៅនៅទីក្រុងបាងកកដោយសារតែក្រុមប្រឆាំងរាប់អាណត្តិតបស់លោកគិតចាប់ពីឆ្នាំ២០១៤ក្រោយរដ្ឋប្រហារខណៈភាគីគាំទ្រលោករាប់ចាប់ពីឆ្នាំ២០១៧ នៅពេលដែលរដ្ឋធម្មនុញ្ញថ្មីចូលជាធរមាន ឬរាប់ចាប់ពីឆ្នាំ២០១៩នៅពេលដែលការបោះឆ្នោតត្រូវបានប្រារព្ធឡើងហើយសភាថ្មីបានជ្រើសរើសគាត់ឱ្យដឹកនាំរដ្ឋាភិបាលចម្រុះ៕