ព្រឹទ្ធសភាអាមេរិក អនុម័តច្បាប់ផ្តល់ជំនួយយោធា អោយតៃវ៉ាន់

គណៈកម្មាធិការព្រឹទ្ធសភាសហរដ្ឋអាមេរិកកាលពីថ្ងៃពុធបានបោះឆ្នោតអនុម័តច្បាប់គោលនយោបាយតៃវ៉ាន់(The Taiwan Policy Act)ដោយសំឡេងគាំទ្រ ១៧-៥ក្នុងគោលបំណង

ពង្រឹងការគាំទ្ររបស់សហរដ្ឋអាមេរិកចំពោះតៃវ៉ាន់ តាមរយៈជំនួយសន្តិសុខរាប់ពាន់លានដុល្លារ ចំពេលមានសម្ពាធកាន់តែខ្លាំងឡើង របស់ចិនលើកោះដែលគ្រប់គ្រងដោយខ្លួនឯង។

ច្បាប់គោលនយោបាយតៃវ៉ាន់កើតឡើងបន្ទាប់ពីភាពតានតឹងកើនឡើងជាច្រើនសប្តាហ៍រវាងទីក្រុងវ៉ាស៊ីនតោន និងទីក្រុងប៉េកាំង ដែលបានចាប់ផ្តើមជាមួយនឹងដំណើរទស្សនកិច្ចរបស់ប្រធានសភាលោកស្រីណាន់ស៊ីផេលូស៊ីទៅកាន់កោះតៃវ៉ាន់។

សមាជិកព្រឹទ្ធសភាសហរដ្ឋអាមេរិកលោក Robert Menendez ដែលជាប្រធានគណៈកម្មាធិការបាននិយាយ នៅក្នុងសេចក្តីប្រកាស ព័ត៌មានមួយថាច្បាប់គោលនយោបាយតៃវ៉ាន់នឹងបែងចែកជំនួយសន្តិសុខចំនួន៤,៥ពាន់លានដុល្លារដល់តៃវ៉ាន់ក្នុងរយៈពេល៤ឆ្នាំនិងបង្កើតរបបទណ្ឌកម្មសេដ្ឋកិច្ចយ៉ាងទូលំទូលាយលើប្រទេសចិនជុំវិញសកម្មភាពអរិភាពប្រឆាំងនឹងកោះនេះ។

ច្បាប់នេះមានគោលបំណងពង្រឹងគោលនយោបាយរបស់សហរដ្ឋអាមេរិកចំពោះតៃវ៉ាន់ដើម្បីរក្សាស្ថិរភាពឆ្លងកាត់ច្រកសមុទ្រព្រឹទ្ធសមាជិក Bob Menendezដែលជាអ្នកប្រជាធិបតេយ្យ

នៃរដ្ឋ New Jersey ដែលជាប្រធានគណៈកម្មាធិការនេះ បាននិយាយដោយចោទប្រកាន់ប្រទេសចិនពី យុទ្ធនាការធ្វើឱ្យខូចស្ថានភាពបច្ចុប្បន្ន។លោក Jim Risch មកពីរដ្ឋ Idaho ដែលជាគណបក្សសាធារណរដ្ឋនាំមុខគេនៅក្នុងគណៈកម្មាធិការបាននិយាយថាច្បាប់នេះផ្តល់ឱ្យប្រធានាធិបតីចិនស៊ីជីនពីននូវហេតុផលដើម្បីគិតពីរដងមុននឹងការឈ្លានពានតៃវ៉ាន់៕