នាយករដ្ឋមន្ត្រីស៊ុយអែត បានលាលែងពីតំណែង បន្ទាប់ពីរដ្ឋាភិបាលរបស់លោកស្រីបរាជ័យក្នុងការបោះឆ្នោតកាលពីថ្ងៃអាទិត្យ។នេះបើយោងតាមការចេញផ្សាយរបស់បណ្តាញសារព័ត៌មានប៊ីប៊ីស៊ីកាលពីថ្ងៃព្រហស្បតិ៍ទី១៥ខែកញ្ញាឆ្នាំ២០២២។
សម្ព័ន្ធកណ្តាលឆ្វេងរបស់លោកស្រី Magdalena Andersson ចាញ់ក្រុមគណបក្សស្តាំនិយម ១៧៦ អាសនៈ ទល់នឹង ១៧៣ ក្នុងចំណោមសន្លឹកឆ្នោតដែលរាប់បាន ៩៩%។
មេដឹកនាំគណបក្សមធ្យម Ulf Kristersson ឥឡូវនេះត្រូវបានគេរំពឹងថានឹងបង្កើតរដ្ឋាភិបាលថ្មីមួយ។ប្លុកនេះរួមមានគណបក្សប្រជាធិបតេយ្យស៊ុយអែត ដែលជាគណបក្សស្តាំនិយមដែលបានធ្វើយុទ្ធនាការប្រឆាំងនឹងការកើនឡើងនៃការបាញ់ប្រហាររបស់ក្រុមក្មេងទំនើង។
លទ្ធផលចុងក្រោយនៅតែត្រូវបានបញ្ជាក់បន្ទាប់ពីការរាប់ឡើងវិញ ដែលជាការអនុវត្តស្តង់ដារនៅក្នុងប្រទេសស៊ុយអែត។លោកស្រីAnderssonបានទទួលយកការបរាជ័យក្នុងសន្និសីទសារព័ត៌មានកាលពីថ្ងៃពុធ។លោកស្រីបានស្នើសុំលាលែងពីតំណែងជាផ្លូវការកាលពីថ្ងៃព្រហស្បតិ៍។លោកស្រីបានថ្លែងថា នៅក្នុងសភា ទោះបីពួកគេមានមួយឬពីកៅអីគឺសុទ្ធតែមានអត្ថប្រយោជន៍។ “វានាំមុខតិចតួចមែនប៉ុន្តែវាជាសម្លេងភាគច្រើន។យុទ្ធនាការបោះឆ្នោតដ៏ប្រកៀកប្រកិតត្រូវបានគ្របដណ្ដប់ដោយក្រុមក្មេងទំនើង បញ្ហាអន្តោប្រវេសន៍ និងសមាហរណកម្ម ក៏ដូចជាការឡើងថ្លៃអគ្គិសនី៕