នាយករដ្ឋមន្ត្រីថៃលោកសេដ្ឋា ថាវីស៊ីន បាននិយាយកាលពីថ្ងៃអង្គារ ទី២១ វិច្ឆិកា ថា គណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីសមភាពអាពាហ៍ពិពាហ៍(ការរៀបការភេទដូចគ្នា) ហើយថាវានឹងត្រូវបាននាំយកទៅកាន់រដ្ឋសភាក្នុងសម័យប្រជុំដែលចាប់ផ្តើមនៅខែធ្នូខាងមុខនេះ។នេះបើយោងតាមការការចេញផ្សាយរបស់សារព័ត៌មានរ៉យទ័រ។
ប្រទេសថៃមានសហគមន៍ស្រឡាញ់ភេទដូចគ្នា ដែលបើកចំហ និងអាចមើលឃើញច្រើនបំផុតនៅអាស៊ី ប៉ុន្តែសកម្មជននយោបាយជាច្រើនបាននិយាយថា ច្បាប់ និងស្ថាប័នប្រពៃណីរបស់ប្រទេសថៃមិនទាន់ឆ្លុះបញ្ចាំងពីការផ្លាស់ប្តូរអាកប្បកិរិយាសង្គមហើយនៅតែរើសអើងប្រឆាំងនឹងអ្នកស្រឡាញ់ភេទដូចគ្នា និងគូស្នេហ៍ភេទដូចគ្នា។
ប្រសិនបើសេចក្តីព្រាងច្បាប់នេះត្រូវបានអនុម័តដោយសភា និងទទួលបានការយល់ព្រមពីព្រះមហាក្សត្រ នោះប្រទេសថៃនឹងក្លាយជាប្រទេសទី ៣នៅអាស៊ីបន្ទាប់ពីតៃវ៉ាន់និងនេប៉ាល់ដែលទទួលស្គាល់អាពាហ៍ពិពាហ៍ភេទដូចគ្នា។
កាលពីឆ្នាំមុនសភា បានពិភាក្សាលើច្បាប់ចំនួនបួន រួមទាំងសហជីពស៊ីវិលសម្រាប់គូស្នេហ៍ភេទដូចគ្នា និងសមភាពអាពាហ៍ពិពាហ៍ប៉ុន្តែមិនបានបោះឆ្នោតចុងក្រោយមុនពេលសម័យប្រជុំបានបញ្ចប់។ លោក សេដ្ឋា ធ្លាប់បាននិយាយដែរថា លោកចង់ឱ្យទីក្រុងបាងកករបស់ប្រទេសថៃធ្វើជាម្ចាស់ផ្ទះព្រឹត្តិការណ៍មោទនភាពពិភពលោក World Pride នៅឆ្នាំ ២០២៨៕