បន្ទាប់ពីកីឡាករ Messi ខ្សែប្រយុទ្ធឆ្នើម Barcelona អះអាងថា ក្លឹបសេះបង្កង់ Juventus អាចនឹងមានឱកាលជាប់ជើងឯក Uefa Champion League រដូវកាលនេះ ដោយសារវត្តមានរបស់កីឡាករ Christino Ronaldo ។
នេះបើតាមប្រភពព័ត៌មាន Goal.com ចេញផ្សាយកាលពីថ្ងៃពុធ ទី៥ ខែកញ្ញា ឆ្នាំ២០១៨។
លោក Lopetegui បានព្រមាន Messi ថាកុំមើលស្រាលកីឡាករក្លឹប Real Madrid បើទោះជាគ្មានវត្តមានកីឡាករ Ronaldo ក៏ដោយ។
កីឡាករ Ronaldo បានផ្លាស់ទៅលេងឲ្យក្លឹបបាល់ទាត់អ៊ីតាលីសេះបង្កង់ Juventus កាលពីខែកក្កដា ជាមួយនឹងតម្លៃខ្លួនជាង១២៧លានដុល្លារ។
ក្លឹប Real Madrid មិនទាន់ដែលចាញ់សោះ បើកឆាកបីប្រកួតដំបូងនេះគឺ 3-0-0 មាន៩ពិន្ទុ ស្មើនឹងក្រុមជើងឯក Barcelona ។
កីឡាករ Messi និយាយថា “អវត្តមានរបស់ Ronaldo ធ្វើឲ្យ Real Madrid ចុះខ្សោយ តែធ្វើឲ្យសេះបង្កង់ Juventus កាន់តែខ្លាំង ដែលអាចឈានទៅរកពាន Champion League”។
ឆ្លើយតបទៅនឹងការលើកឡើងរបស់ Messi គ្រូបង្វឹកសញ្ជាតិអេស្ប៉ាញរូបនេះ បានវាយប្រហារភ្លាមៗទៅវិញដែរ ដោយនិយាយថា “ខ្ញុំគ្មានការសង្ស័យទេ ចំពោះកីឡាកររបស់ខ្ញុំ”។
ការចាកចេញរបស់ Ronaldo បានធ្វើឲ្យ Messi បាត់បង់គូប្រជែងនៅក្នុងក្របខណ្ឌ Spain Premera Liga៕