កាលពីវេលាម៉ោង៩និង៤៥នាទី ព្រឹកថ្ងៃទី៤ ខែមករា ឆ្នាំ២០១៩ សមត្ថកិច្ចនៃអគ្គនាយកដ្ឋានអន្តោប្រវេសន៍ខេត្តព្រះសីហនុ បានឃាត់ខ្លួនខ្លួននារីម្នាក់ នៅព្រលានយន្តហោះអន្តរជាតោកងកេង ខេត្តព្រះសីហនុ។
បើតាមទំព័រហ្វេសប៊ុកផ្លូវការរបស់អគ្គនាយកដ្ឋានអន្តោប្រវេសន៍ បានឲ្យដឹងថា “ស្ត្រីជនជាតិចិនម្នាក់ ត្រូវបានឃាត់ខ្លួននៅខេត្តព្រះសីហនុ នាព្រឹកថ្ងៃទី០៤ ខែមករា ឆ្នាំ២០១៩ វេលាម៉ោង០៩និង៣៥នាទី។ ស្រ្តីជនជាតិចិន មានឈ្មោះZhang Dongjuan ត្រូវបានឃាត់ខ្លួនពេលចេញដំណើរពីខេត្តព្រះសីហនុ ទៅ Kunming ប្រទេសចិន ដោយសារមានឈ្មោះក្នុងបញ្ជីខ្មៅ៦២នាក់ ដែលមិនទាន់បានចាប់ខ្លួន (លេខ១៨៨៣/១៨ ចុះថ្ងៃទី១៩ ខែ តុលា ឆ្នាំ២០១៨)។
បច្ចុប្បន្ន សមត្ថកិច្ចកំពុងសួរនាំស្ត្រីចិនរូបនេះ នៅឡើយ៕
