របបយោធាមីយ៉ាន់ម៉ា និងសាជីវកម្មនុយក្លេអ៊ែរដែលគ្រប់គ្រងដោយរដ្ឋរបស់រុស្ស៊ីRosatomបានចុះហត្ថលេខាលើផែនទី បង្ហាញផ្លូវ សម្រាប់កិច្ចសហប្រតិបត្តិការថាមពលអាតូមិកបន្ថែមទៀតរួមទាំងការអនុវត្តដែលអាចកើតមាននៃគម្រោងរ៉េអាក់ទ័រម៉ូឌុលនៅក្នុងប្រទេសមីយ៉ាន់ម៉ា។
កិច្ចព្រមព្រៀងនេះត្រូវបានចុះហត្ថលេខាកាលពីថ្ងៃអង្គារនៅខាងក្រៅវេទិកាសេដ្ឋកិច្ចបូព៌ា (EEF-2022) នៅទីក្រុង Vladivostok ប្រទេសរុស្ស៊ី ជាកន្លែងដែលប្រមុខរបបលោក មីនអ៊ុងឡាំងបានមកចូលរួមវេទិកានេះ។
ទីភ្នាក់ងារថាមពលបរមាណូរុស្ស៊ី បាននិយាយថា ផែនទីបង្ហាញផ្លូវនឹងណែនាំកិច្ចសហប្រតិបត្តិការក្នុងវិស័យ ការប្រើប្រាស់ថាមពល បរមាណូដោយសន្តិភាពសម្រាប់ឆ្នាំ២០២២–២៣។
នៅក្នុងឯកសារពិសេសនោះបានផ្តល់សម្រាប់ការពង្រីកក្របខ័ណ្ឌច្បាប់ទ្វេភាគី លទ្ធភាពនៃការអនុវត្តគម្រោង
រ៉េអាក់ទ័រម៉ូឌុលតូចមួយនៅក្នុងប្រទេសមីយ៉ាន់ម៉ា ក៏ដូចជាការបណ្តុះបណ្តាលបុគ្គលិក និងការងារទាក់ទងនឹងការកែលម្អការទទួលយកជាសាធារណៈនៃថាមពលនុយក្លេអ៊ែរនៅក្នុងប្រទេសមីយ៉ាន់ម៉ា។
ពូទីន សរសើរបបមីយ៉ាន់ម៉ា
ប្រធានាធិបតីរុស្ស៊ី លោក វ្ល៉ាឌីមៀ ពូទីន បានសាទរចំពោះទំនាក់ទំនងវិជ្ជមានជាមួយប្រទេសមីយ៉ាន់ម៉ា នៅថ្ងៃនេះខណៈដែលលោកបានជួបជាមួយប្រមុខរបបយោធា លោកមីនអ៊ុងឡាំង នៅទីក្រុង Vladivostok ប្រទេសរុស្ស៊ី។
លោកពូទីនបាននិយាយក្នុងអំឡុងពេលកិច្ចប្រជុំនៅខាងក្រៅវេទិកាសេដ្ឋកិច្ចបូព៌ាថា មីយ៉ាន់ម៉ាគឺជាដៃគូដ៏យូរអង្វែង និងគួរឱ្យទុកចិត្តរបស់យើងនៅក្នុងតំបន់អាស៊ីអាគ្នេយ៍… ទំនាក់ទំនងរបស់យើងកំពុងអភិវឌ្ឍជាវិជ្ជមាន។
ចំណែកលោកមីនអ៊ុងឡាំងវិញក៏បានប្រាប់លោកពូទីនថា ខ្ញុំមានមោទនភាពចំពោះអ្នកពីព្រោះនៅពេលដែលអ្នកឡើងកាន់អំណាចដឹកនាំប្រទេសរុស្សីបានក្លាយទៅជាលេខមួយក្នុងពិភពលោក។ លោកបានបន្តថាយើងនឹងហៅអ្នកមិនមែនគ្រាន់តែជាមេដឹកនាំនៃប្រទេសរុស្ស៊ីប៉ុណ្ណោះទេ ប៉ុន្តែជាមេដឹកនាំនៃពិភពលោក ដោយសារតែអ្នកគ្រប់គ្រងនិងរៀបចំស្ថិរភាពនៅជុំវិញពិភពលោកទាំងមូល៕