ភ្លាមៗបន្ទាប់ពីម្ចាស់ក្សត្រីយ៍អេលីហ្សាបែតទី២ បានចូលទិវង្គតក្នុងជម្មាយុ៩៦វស្សាព្រះរាជបុត្រច្បងរបស់ម្ចាស់ក្សត្រីយ៍គឺ ព្រះអង្គម្ចាស់ឆាលទី៣ (Charles III) ព្រះជន្ម៧៣វស្សា បានឡើងស្នងរាជ្យគ្រប់គ្រងចក្រភពអង់គ្លេសដោយស្វ័យប្រវត្តិ។នេះបើយោងតាមការចេញផ្សាយរបស់ទីភ្នាក់ងារសារព័ត៌មានAFP កាលពីថ្ងៃសុក្រទី៩កញ្ញាឆ្នាំ២០២២។
យោងតាមសេចក្ដីថ្លែងការណ៍ចេញដោយបរមរាជវាំងកាលពីថ្ងៃទី៨ ខែកញ្ញាបានអោយដឹងថា ម្ចាស់ក្សត្រីយ៍ អេលីហ្សាបែតទីពីរបានសោយទិវង្គតក្នុងព្រះជន្មាយុ៩៦វស្សា បន្ទាប់ពីសោយរាជ្យ៧០ឆ្នាំហើយតាមច្បាប់អង់គ្លេស ព្រះអង្គម្ចាស់ឆាលដែលជារជ្ជទាយាទត្រូវ ឡើងគ្រងរាជ្យបន្ត។
ពិធីរាជាភិសេកផ្លូវការនឹងមិនធ្វើឡើងឆាប់ៗនេះទេ។
ម្ចាស់ក្សត្រី Elizabeth បានឡើងស្នងរាជ្យនៅខែកុម្ភៈ ឆ្នាំ ១៩៥២ ប៉ុន្តែមិនត្រូវបានគ្រងរាជ្យរហូតដល់ខែមិថុនាឆ្នាំ ១៩៥៣។ម្ចាស់ក្សត្រីយ៍អេលីហ្សាបែតទីពីរបានគ្រងរាជ្យកាលពីខែមិថុនាឆ្នាំ១៩៥៣ រយៈពេល១៦ខែបន្ទាប់ពីមហាក្សត្រ George VI បានចូលទិវង្គត។
ព្រះអង្គម្ចាស់ឆាល បានក្លាយជាប្រធាននៃរដ្ឋCommonwealth ដែលជាសមាគមនៃប្រទេសឯករាជ្យចំនួន៥៦ និងមានប្រជាជនចំនួន២,៤ ពាន់លាននាក់
និងជាប្រមុខរដ្ឋនៃប្រទេសចំនួន១៤ផ្សេងទៀត រួមទាំងប្រទេសអូស្ត្រាលីកាណាដានិងនូវែលសេឡង់មានព្រះរាជ បន្ទូលថាការសោយ ទិវង្គតគឺជាពេលវេលាដ៏សោកសៅបំផុតសម្រាប់ខ្ញុំព្រះអង្គផ្ទាល់ ក្រុមគ្រួសារពលរដ្ឋអង់គ្លេសនិងប្រជាជនទូទាំងពិភពលោកផងដែរ។
មេដឹកនាំពិភពលោក និងឥស្សរជនគោរពវិញ្ញាណក្ខន្ធម្ចាស់ក្សត្រី បន្ទាប់ពីទទួលបានដំណឹងសោយទីវង្គត របស់ ម្ចាស់ក្សត្រី អេលីហ្សាបែតទី២មេដឹកនាំពិភពលោក និងឥស្សរជនសំខាន់ៗបានគោរពវិញ្ញាណក្ខន្ធថ្វាយចំពោះម្ចាស់ក្សត្រីដែលបានសោយទិវង្គតក្នុងព្រះជន្មាយុ ៩៦ វស្សា។
អាមេរិកប្រធានាធិបតីសហរដ្ឋអាមេរិក លោកចូបៃឌិនដែលធ្លាប់បានជួបព្រះអង្គជាលើកដំបូង កាលពី ៤០ឆ្នាំមុនបានពណ៌នាថា ម្ចាស់ក្សត្រីបានដើរតួនាទីច្រើនជាងព្រះមហាក្សត្រ ហើយបានកំណត់សម័យមួយដ៏រុងរឿង។
ដោយចងចាំពីដំណើរទស្សនកិច្ចរបស់លោទៅកាន់ចក្រភពអង់គ្លេសក្នុងឆ្នាំ២០២១ក្នុងនាមជាប្រធានាធិបតី លោក បៃឌិនបាននិយាយថា ម្ចាស់ក្សត្រីបានទាក់ទាញយើងដោយប្រាជ្ញា ជំរុញយើងដោយសេចក្តីសប្បុរសនិងចែករំលែកដោយសប្បុរសជាមួយយើងនូវប្រាជ្ញា ។
បារាំង ប្រធានាធិបតីបារាំង លោកអេម៉ានូអ៊ែល ម៉ាក្រុង ក៏បានដឹកនាំមន្ត្រីរបស់ខ្លួនថ្វាយបង្គំជាមួយនឹងការចងចាំ ថាម្ចាស់ក្សត្រីមានចិត្តសប្បុរសនិងជា មិត្តដ៏ល្អរបស់ប្រទេសបារាំង។
ចិន ប្រធានាធិបតីចិន លោកស៊ី ជីនពីង ក៏បានផ្តល់ ការអាណិតអាសូរយ៉ាងស្មោះស្ម័គ្រចំពោះរដ្ឋាភិបាល និងប្រជាជនអង់គ្លេស បន្ទាប់ពីការសោយទីវង្គតរបស់ម្ចាស់ក្សត្រីដោយបន្ថែមថាការសោយទិវង្គតរបស់ទ្រង់គឺជាការបាត់បង់ដ៏ធំធេងសម្រាប់ប្រជាជនអង់គ្លេស។
អាល្លឺម៉ង់ ឥណ្ឌា អធិការបតីអាល្លឺម៉ង់ លោក Olaf Scholz បានសម្តែងការគោរពចំពោះ ការលេងសើចដ៏អស្ចារ្យរបស់ព្រះមហាក្សត្រិយានី ហើយបាននិយាយនៅក្នុងសេចក្តីថ្លែងការណ៍មួយថា ការប្តេជ្ញាចិត្តរបស់អង្គចំពោះការផ្សះផ្សាអាល្លឺម៉ង់–អង់គ្លេស បន្ទាប់ពីភាពរន្ធត់នៃសង្គ្រាមលោកលើកទី 2 នឹងនៅតែមិនអាចបំភ្លេចបាន។
នាយករដ្ឋមន្ត្រីឥណ្ឌា នរិន្រ្ទម៉ូឌីបានរំលឹកឡើងវិញនូវ កិច្ចប្រជុំគួរឱ្យចងចាំរបស់គាត់ជាមួយព្រះអង្គ ក្នុងអំឡុងពេលទស្សនកិច្ចពីរនៅចក្រភពអង់គ្លេស។លោកបានសរសេរលើ Twitter ថា ខ្ញុំនឹងមិនអាចបំភ្លេចពីភាពកក់ក្ដៅ និងចិត្តសប្បុរសរបស់អង្គឡើយ៕