យោងតាមប្រភពព័ត៌មាន BBC ចេញផ្សាយកាលពីថ្ងៃចន្ទ ទី៣១ ខែធ្នូ ឆ្នាំ២០១៨ បានឲ្យដឹងថា លោក Pep Guardiola គ្រូបង្វឹកក្លឹបមេឃខៀវ Man City បានព្រមានកូនក្រុមរបស់គាត់ថា ប្រសិនបើប្រកួតចាញ់ក្លឹបហង្សក្រហម Liverpool នៅព្រឹកម៉ោង៣ ថ្ងៃព្រហស្បតិ៍ យើងមិនបាច់ប្រជែងទៀតទេ ពោលគឺប្រគល់ពានរង្វាន់ឲ្យ Liverpool តែម្តងទៅ។
ក្លឹប Man City ត្រូវបើកទ្វារទទួលភ្ញៀវក្លឹបហង្សក្រហម Liverpool ជើងទី ២ នៅរាត្រីថ្ងៃពុធនេះ។
លោក Pep Guardiola បាននិយាយថា ” ប្រសិនបើក្រុមរបស់យើងបាត់បង់បីពិន្ទុបន្ថែមទៀត តំណែងជើងឯករបស់យើងត្រូវបញ្ចប់ហើយ’’។
លោកបានចោទជាសំណួរថា តើត្រូវធ្វើដូចម្តេចដើម្បីឈ្នះការប្រកួត? គឺត្រូវលេងឲ្យបានល្អជាងការប្រកួតមុនៗ។ អ្នកត្រូវតែប្រឹងឲ្យអស់ពីសមត្ថភាព ដើម្បីឈ្នះការប្រកួតដ៏សំខាន់លើកនេះ។
គួររំឭកថា ក្លឹប Man City ដែលគ្រប់គ្រងតំណែងកំពូលតារាងមួយរយៈ ត្រូវបានរបូតមកចំណាត់ថ្នាក់លេខ២ ក្រោយពីបរាជ័យ២ប្រកួត គឺចាញ់ Crystal 3-2 និងចាញ់ Leicester 2-1 ។ អីឡូវនេះ ក្លឹប Man City ចាញ់ហង្សក្រហម Liverpool 7 ពិន្ទុ៕