យោងតាមប្រភពព័ត៌មាន BBC ចេញផ្សាយកាលពីថ្ងៃអង្គារទី0៨ ខែមករា ឆ្នាំ២០១៩ បានឲ្យដឹងថា លោក Mauricio Pochettino បានបង្ហាញចំណាប់អារម្មណ៍ចង់បន្តស្នាក់នៅក្លឹបបាល់ទាត់មាន់ខ្នាយមាស Tottenham រយៈពេល២០ឆ្នាំ ហើយគ្រោងនឹងបញ្ចប់អាជីពនៅទីនោះ។
ការប្រកាសរបស់លោក Pochettino បែបនេះ គឺជាការបញ្ចប់ក្តីស្រមៃរបស់ក្លឹប Real Madrid និង Man Utd ដែលចង់បានធ្វើជាគ្រូបង្វឹក។
ទោះបីដឹកនាំក្លឹប Tottenham មិនឈ្នះពាន តែក្លឹបនេះស្ថិតក្នុងលំដាប់កំពូលទាំង៤ ក្នុងតារាងមានកៅអីប្រកួតបាល់ទាត់យូហ្វាឆេមពានលីក ជារៀងរាល់ឆ្នាំ។
លោក Pochettino បាននិយាយថា “ខ្ញុំសង្ឃឹមថា ខ្ញុំនឹងបន្តអាជីពនៅទីនេះ រយៈពេលយូរ ហើយបើអាចខ្ញុំនឹងបញ្ចប់អាជីពនៅទីនេះ’’។
លោកបានបន្តទៀតថា “ខ្ញុំចង់ផ្តោតអារម្មណ៍នៅទីនេះ ។ ខ្ញុំចង់ជួយក្លឹបឲ្យទទួលបានលទ្ធផលល្អ និងបង្កើតប្រវត្តិសាស្ត្រថ្មី”។
លោក Pochettino សង្ឃឹមថា នឹងប្រជែងជាមួយលោក Arsene Wenger អតីតគ្រូបង្វឹកក្លឹប Arsenal ដែលដឹកនាំក្លឹបនេះអស់រយៈពេល២២ឆ្នាំ។