តារាកំប្លែងប្រចាំស្ថានីយទូរទស្សន៍បាយ័ន កម្មវិធី ផ្ទះសំណើច” និងជាអ្នកលេងកំប្លែងប្រចាំក្រុម អ្នកនាងខាត់ សុឃីម ផង នាយកំប៉ោយ បានទទួលមរណភាពទៅហើយ នៅមុននេះបន្ដិច ក្រោយពីនាយបានឈឺរាំរ៉ៃអស់ជាច្រើនខែមក។
តាមរយៈហ្វេសប៊ុកកឈ្មោះ Saren Khat បានចែកចាយរូបភាពនាយកំប៉ោយ នៅលើគ្រែពេទ្យ យ៉ាងស្ដូកស្ដឹង ភ្ជាប់ជាមួយទុយោអុកស៊ីហ្សែន ហើយមានសំណេរថា ”ចូលរួមរំលែកទុក្ខផង អាប៉ោយ ខូចហើយ”។
គួរបញ្ជាក់ថា នាយកំប៉ោយ បានបាត់ខ្លួនពីការសម្ដែងតាមឆាក និងថត MV ជាច្រើនខែមកហើយ តាំងពីនាយធ្លាក់ខ្លួនឈឺដោយជំងឺក្រលៀន តម្រូវឲ្យប្ដូរឈាមជារៀងរាល់សប្ដាហ៍។ ប៉ុន្ដែពេលនេះ នាយកំប៉ោយ បានលាចាកលោកទៅហើយ បន្សល់នូវសារចូលរួមរំលែកទុក្ខពីអ្នកសិល្បៈរួមអាជីពជាបន្ដបន្ទាប់៕
