ភ្នំពេញ៖ឱក សុគន្ធកញ្ញា លេចមុខជាថ្មីធ្វើជាCoach កម្មវិធីThe Voice Cambodia រដូវកាលទី៣ បន្ទាប់ពីនាងធ្លាប់បាននាំកូនក្រុមរបស់ខ្លួនលោកថែល ថៃ លើកពាននារដូវកាលទី២ បានដូចចិត្ត ហើយនៅរដូវកាលថ្មីនេះប្អូនថ្លៃលោកថៅកែហង្សមាសរូបនេះតែងខ្លួនប្លែកៗជាងមុន ខណៈដែលគ្រូបង្វឹកនារដូវកាលចាស់៣រូបផ្សេងទៀតនៅរក្សារតំណែងបានទាំងអស់ ព្រោះស្វាមីសុគន្ធកញ្ញា លោកអ៊ឹង សុខលី មិនដកម្នាក់ណាចេញដាក់ជំនួសដោយអ្នកថ្មីឡើយ។អ្វីដែលគូរឲ្យកត់សម្គាល់ទោះជាសុគន្ធកញ្ញា មិនសូវមានបទចម្រៀងផ្ទុះខ្លាំងដូចមុនក្រោយមានស្វាមីនិងកូន១មែន តែនាងនៅក្ដាប់ឱកាសឆក់បានស្ពតធំៗជាបន្ដបន្ទាប់ក្នុងនោះដូចជាថ្មីនេះនាងមមាញឹកក្នុងការឃោសនាគ្រឿងអលង្ការឲ្យហាងពេជ្រមួយទៀតផង។
មិនមានព័តមានពីតម្លៃខ្លួនរបស់សុគន្ធកញ្ញា ក្នុងការធ្វើBA ឲ្យហាង១នោះទេ ខណៈដែលពេជ្រ សោភា បានដើរ១ជំហ៊ានមុននាងនោះធ្លាប់មានព័តមានថានាងស៊ីថ្លៃដល់ទៅ៣០ម៉ឺនដុល្លារក្នុង១ឆ្នាំឯណ្ណោះ។ប៉ុន្ដែការទៅដល់របស់សុគន្ធកញ្ញា នោះថៅកែហាងនោះក៍មិនផាត់ចោលសោភា ដែរគឺនៅរក្សារដដែល ទើបពេលនេះធ្វើឲ្យពិបាកបែងចែកថាតើសុគន្ធកញ្ញា និងសោភា ១ណាស៊ីថ្លៃឬមានឥទ្ធិពលធំជាងគេក្នុងការផ្សព្វផ្សាយគ្រឿងអលង្ការឲ្យថៅកែពេជ្រនោះ។
លោកឆឹម សក្កដា អនាគតស្វាមីរបស់ពេជ្រ សោភា បានប្រាប់ថាតាមពិតឱក សុគន្ធកញ្ញា និងអូនពេជ្រ សោភា គ្មានអ្នកណាធំជាងអ្នកណាទេ គឺធំស្មើគ្នា។លោកថាពួកគាត់ទាំងពីរមានតួនាទីនិងការងាររៀងៗខ្លួនតែគោលដៅតែ១ ប៉ុន្ដែលោកមិនប្រាប់ពីតម្លៃខ្លួនថារវាងសុគន្ធកញ្ញា និងសោភា ថាថ្លៃស្មើគ្នាដែរ ឬមួយណាទទួលបានខ្ពស់ជាងឡើយ។
គូរកត់សម្គាល់ថានៅឆ្នាំ២០២៣ នេះឱក សុគន្ធកញ្ញា បានបាត់បង់ដៃគូចម្រៀងប្រុសសំខាន់របស់នាងដល់ទៅ២ដួងដែលទៅជ្រកនៅផលិតកម្មផ្សេងក្នុងនោះគឺលោកព្រាប សុវត្ថិ ចាកចេញពីហង្សមាសតាំងពីឆ្នាំ២០២០ ខណៈដែលលោកខែម ប៊ុនថៃ វិញលោតចេញពីផលិតកមម្មមួយនេះទើបតែនៅដើមឆ្នាំ២០២៣ នេះទេទើបធ្វើឲ្យសុគន្ធកញ្ញា ពិបាករកស្វែងរកដៃគូថ្មីច្រៀងឆ្លងឆ្លើយ បើទោះជាកន្លងមកនាងធ្លាប់ច្រៀងជាមួយលោកឆន សុវណ្ណារាជ និងណុប បាយ៉ារិទ្ធ ជាដើមបានដោយរលូនក្ដី។អ្នកជំនាញសិល្បៈបានលើកឡើងថាទោះជាសុគន្ធកញ្ញា លែងសូវមានសន្ទុះខ្លាំងក្នុងអាជីពចម្រៀងក្ដី ប៉ុន្ដែនាងនៅតែរកប្រាក់ចំណូលពីសិល្បៈបានរាប់ម៉ឺនដុល្លារក្នុង១ឆ្នាំៗដដែល ព្រោះថាស្វាមីនាងគ្រប់គ្រងលើConcerts ទាំងអស់របស់ហង្សមាស រួមទាំងស្ពតមួយចំនួនផង ហេតុនេះចង់មិនចង់លោកមើលមិនរំលងភរិយាខ្លួនឡើយ ខណៈដែលខាងAgency ក៍នៅតែទុកសុគន្ធកញ្ញា ជាតារាលំដាប់ជូរហង្សមាសនៅឡើយ អីចឹងទោះជានាងច្រៀងបទចាស់ៗឡើងវិញក៍មានគេគាំទ្រដែរ។
គេកត់សម្គាល់ថាអំឡុងពេលឱក សុគន្ធកញ្ញា និងស្វាមីនាងលោកអ៊ឹង សុខលី បានប្រារពខួបអាពាហ៍ ពិពាហ៍ របស់ខ្លួនគម្រប់៤ឆ្នាំកាលពីថ្ងៃទី១៦ ខែឧសភា ឆ្នាំ២០២៣ នោះទាំងអ្នកសិល្បៈរួមអាជីព និងFan របស់នាងជម្រុញឲ្យកញ្ញា ពពោះយកកូនទី២ ពិសេសគឺក្ដីបំណងរបស់នាងចង់បានកូនស្រីនោះឲ្យបានសម្រេច តែពេលនេះសុគន្ធកញ្ញា មិនទាន់មានផ្ទៃពោះជាថ្មីឡើយ ហើយនាងសម្រុកចេញច្រៀងនិងធ្វើជាBA ឲ្យក្រុមហ៊ុនដែលខ្លួនជាប់កិច្ចសន្យាទាំងយប់ថ្ងៃទើបរឿងយកកូនថែមនេះត្រូវបានពន្យាពេល។ចំពោះមូលហេតុដែលអ្នកគាំទ្រសុគន្ធកញ្ញា ចេះតែជម្រុញឲ្យនាងពពោះកូនទី២ ដោយមិនខ្លាចអាជីពចម្រៀងហៅលែងឭនោះ ព្រោះពួកគេដឹងថាក្រោយនាងមានកូន១ស្វាមីនាងស្រលាញ់នាងទ្វេដងបើប្រៀបធៀបស្នេហ៍គ្រាដំបូង ហេតុនេះហើយគេជឿរថាបើនាងបង្កើតកូនទី២ឲ្យលោកសុខលីបានដូចបំណងនោះច្បាស់ជាប្អូនលោកឧកញ៉ារូបនេះកាន់តែថ្នាក់ថ្នមកញ្ញា ដូចព្រះនាង ហើយតារាខ្លះដែលចង់ឲ្យដៃលោកសុខលី នឹងដកថយទៅវិញអស់ជាមិនខាន៕