ភ្នំពេញ៖តារាសាច់សខ្ចីសុខ ពិសី បានចេញច្រៀង៣ថ្ងៃជាប់គ្នា២៦-២៧ និង២៨ ខែវិចិ្ឆកា នៅថ្ងៃបុណ្យអុំទូក ព្រោះនាងជាតារាលំដាប់ជូរមុខរបស់សាន់ដេ ហើយពេលនេះផលិតកម្មដែលនាងកំពុងជ្រកចេញធ្វើConcerts ធំៗប្រជែងទីផ្សារដែរ ហេតុនេះបានជាមិនអាចអត់ពិសី បានឡើយ ។យ៉ាងណាក្រោយច្រៀងចប់៣យប់៣ថ្ងៃពិសី ថ្ងូរថាពេលច្រៀងសម្ដែងអត់ហ៊ានឈឺទេ តែពេលច្រៀងចប់ ស្រាប់តែនាងប្រកាសស្វែងរកអ្នកជួយកោសខ្យល់ឲ្យនាងជាបន្ទាន់ទៅវិញ ។គ្រាន់តែស្រីស្អាតថ្លែងសារបែបនេះមិនខ្វះទេអ្នកស្ម័គ្រចិត្តចង់ធ្វើជាអ្នកកោសខ្យល់ឲ្យនាងរហូតមានអ្នកខ្លះប្រកាសថាចង់កោសខ្យល់ឲ្យពិសី មួយជីវិតទៀតផង។ប៉ុន្ដែគេជឿរថាសារនោះអាចគ្រាន់តែជាការតេស្ដរបស់ពិសី ប៉ុណ្ណោះថានៅពេលដែលនាងថាឈឺបែបនេះតើមានអ្នកណាខ្លះទៅដែលយកចិត្តទុកដាក់ដល់រូបនាង ?ពិតណាស់អ្នកដែលក្វាយក្វល់ពីសុខភាពរបស់ពិសី មិនមែនត្រឹមតែTop Fan នោះទេ ប៉ុន្ដែគេជឿរថាថៅកែក្មេងសាន់ដេលោកឡាយ សុខចំរើន ច្បាស់ជាប៉ះប៉ូវកំលាំងឲ្យស្រីស្អាតរូបនេះមុនគេ ព្រោះថាពេលខ្លះពិសី និយាយថាឯកោនោះតាមពិតក៍មានលោកថៅកែតែងតែនៅក្បែកាយ៉ានាងដែរ(Drama) ។ប៉ុន្ដែ ទាក់ទងការច្រៀងសម្ដែង៣ថ្ងៃជាប់គ្នានោះវិញមិនមែនតែពិសី ទេគឺតារាល្បីៗលំដាប់ជូរមុខទាំងអស់ក៍ដូចគ្នាដែរ ព្រោះតែរត់ពី១រោងទៅ១រោង ព្រោះជារដូវផ្ការីក ហេតុនេះត្រូវតែសម្រុកកើបលុយឲ្យទាន់ពេល។
សុខ ពិសី ត្រូវបានអ្នកជំនាញសិល្បៈលើកឡើងថានាងនៅតែឈក្នុងជូរលំដាប់តារាស្រីមុខគេរបស់សាន់ដេជាច្រើនឆ្នាំតទៅទៀត ពោលគឺដូចគ្នាទៅនិងឱក សុគន្ធកញ្ញា នៅហង្សមាសដែរ បើទោះជាពេលនេះនាងមិនទាន់សារភាពស្នេហ៍ថៅកែ ឬក្លាយជាប្ដីប្រពន្ធគ្នាជាមួយលោកចំរើន ពេញច្បាប់ក្ដី ប៉ុន្ដែទាំងក្នុងនិងក្រៅសិល្បៈមើលឃើញថាពិសី មានឥទ្ធិពលប្រៀបបានជាម្ចាស់ឬថៅកែផលិតកម្មទៅហើយ ពោលគឺតារាទាំងអស់នៅសាន់ដេគោរពនាងលើសពីតារាឬរៀមច្បងធម្មតា ។ចំណែកសកម្មភាពរបស់នាងក្រោយចុះពីលើឆាកតន្រ្ដីវិញកាលពីពេលថ្មីៗនេះគេឃើញមានយុវវ័យនៅតែចោមរោមអោបថើបនិងថតSelfie ជាមួយនាងឡើងណែនដែលបញ្ជាក់ថាពិសី រក្សារសន្ទុះល្អ ទោះជាចុងក្រោយនេះនាងមិនសូវមានបទផ្ទុះ ហើយតារាស្រីនៅផលិតកម្មផ្សេងដូចជានាងតន់ ច័ន្ទសីម៉ា កាន់តែបុកទីផ្សារចម្រៀង ធ្វើឲ្យការគាំទ្រត្រូវបែកខ្ញែកក្ដី ។សម្រាប់ពិសី វិញពេលនេះនាងក៍កម្រចេញច្រៀងតាមConcerts ប៉ុស្ដិ៍ទូរទស្សន៍ដែរ ពោលគឺនៅពេលមានការប្រគុំតន្រ្ដីធំទើបចេញសម្រុកយកតែម្ដងទើបនាំឲ្យតារាសាច់សខ្ចីស្ទើតែបាក់កំលាំងរហូតដល់ត្រូវប្រកាសស្វែងរកអ្នកកោសខ្យល់ឲ្យយ៉ាងតក់ក្រហល់បែបនេះតែម្ដង ។
សូមបញ្ជាក់ថាសុខ ពិសី បានសាងស្នេហាដោយមិនបើកចំហជាង១០ឆ្នាំទៅហើយទើបធ្វើឲ្យនាងបាត់បង់ទាំងស្រុងនូវភាពផ្អែមល្ហែមស្នេហ៍ ហើយគ្មានដំណឹងពីគម្រោងនាងដឹកដៃគូស្នេហ៍ចូលរោងការច្បាស់លាស់នោះទេ បើទោះជាថ្មីៗនេះសិស្សប្អូនរបស់នាងស្រីស្រស់អ៊ីវ៉ា ក្លាហានហ៊ានបញ្ចេញមុខគូស្នេហ៍ដោយបើកចំហមុននាងក្ដី តែពិសី វិញនៅតែប្រាប់ទៅមិត្តភក្ដិ និងFan ថានាងមិនទាន់ចង់រៀបការ ព្រោះចង់ពង្រឹងអាជីពចម្រៀងថែមទៀត ។យ៉ាងណាការតាំងចិត្តរបស់ពិសី បែបនេះទៅបានលុះត្រាតែថៅកែគាំទ្រនាងដែរ ប៉ុន្ដែបើលោកចំរើន គិតដូចសង្សារអ៊ីវ៉ា លោកលី សេងហួរ ដែលចង់បើកស្នេហាចំហធុញទ្រាន់សាងស្នេហាលួចលាក់អស់ជាង៧ឆ្នាំនោះពិសី មិនអាចគេចឬពន្យាពេលបានច១០ឆ្នាំតទៅទៀតទេ ព្រោះថាឆ្នាំនេះនាងមានអាយុ៣៣ឆ្នាំ ទៅហើយដែលនេះជាពេលវេលាមួយដែលសម្រាប់ស្រ្ដីគូតែប្រញ៉ាប់ចូលរោងការដើម្បីយកកូនបន្ដពូជ ស្របដែលរៀមច្បងពិសី ដូចជាឱក សុគន្ធកញ្ញា រៀបការប្ដីអាយុ៣៣ឆ្នាំ កាលពីឆ្នាំ២០១៩ ,សុគន្ធ និសា រៀបការអាយុ៣៤ឆ្នាំ កាលពីឆ្នាំ២០១៧ ហើយពេជ្រ សោភា ក៍ធ្លាប់ការប្ដីនៅអាយុ៣២ឆ្នាំ កាលពីឆ្នាំ២០១៥ នោះ។ចំពោះពិសី រឿងដែលអាចធ្វើឲ្យនាងហ៊ានផ្លាស់ប្ដូរចិត្តរឿងរៀបការនេះទៅបានគឺនៅពេលដែលនាងឃើញសិស្សប្អូននាងអ៊ីវ៉ា ហ៊ានបង្ហាញភាពផ្អែមល្ហែមស្នេហ៍ជាសារណៈ នឹងត្រៀមដឹកដៃគូស្នេហ៍ចូលរោងការមុននាងទៀតផង ហេតុនេះនាងច្បាស់ជាចង់បំពេញបំណងឪពុកនាងលោកសុខ ហេង ដែលធ្លាប់តែជម្រុញឲ្យនាងរៀបការប្ដីជាច្រើនឆ្នាំមកហើយនោះឲ្យលោកបានសប្បាយចិត្តដូចគ្នាទៅនិងឃីន ស្រីនាថ ធ្វើឲ្យលោកអ៊ូ វ៉ាវ រំភើបនាពេលនេះដែរ ៕
