ខេត្តព្រះសីហនុ ៖ ក្រោយពីបែកធ្លាយវីដេអូជនជាតិចិន ចាក់សំរាមបង្ហូរតាមទឹក នៅតាមបណ្តោយផ្លូវសាកលវិទ្យល័យ UME ស្ថិតក្នុងសង្កាត់៤ ត្រូវរងការិះគន់ពីអ្នកលេងបណ្តាញសង្គមហ្វេសប៊ុក កាលពីថ្ងៃទី០៣ ខែសីហា មន្ទីរបរិស្ថានខេត្តព្រះសីហនុ និងមន្ត្រីសាលាខេត្តព្រះសីហនុ បានហៅជនជាតិចិនរូបនោះ មកធ្វើការព្រមាន ផាកវិន័យ និងធ្វើកិច្ចសន្យា។
បុរសជនជាតិចិន មានឈ្មោះ WANG MU QUNG បម្រើការងារជាចុងភៅ ក្នុងកាសុីណូ New Golden Wealth ។
ជនជាតិរូបនោះ បានធ្វើការសូមទោសជាសាធារណៈចំពោះប្រជាជនកម្ពុជា ចំពោះទង្វើមិនចូលរួមក្នុងកិច្ចគាំពារបរិស្ថានរបស់ខ្លួន និងបានធ្វើការសូមទោសជាសាធារណៈដោយលាយលក្ខណ៍អក្សរ ទទួលស្គាល់នូវកំហុសរបស់ខ្លួន និងសូមកុំឱ្យបុគ្គល ឬកន្លែងប្រកបអាជីវកម្មតូចធំផ្សេងទៀត កុំយកតម្រាប់តាមខ្លួន។
ក្រោយបានធ្វើការអប់រំ ផាកពិន័យ និងណែនាំរួច សមត្ថកិច្ចបានឲ្យជនជាតិចិនរូបនោះត្រឡប់ទៅលំនៅដ្ឋានវិញ៕
