នៅក្នុងកិច្ចសម្ភាសន៍ជាមួយជាមួយទូរទស្សន៍ប្រេស៊ីល Neymar ខ្សែប្រយុទ្ធក្លឹបអ្នកមានបារាំង Paris SG បង្ហាញចំណាប់អារម្មណ៍ចង់ទៅលេងនៅក្នុងទឹកដីអេស្ប៉ាញ ម្តងទៀត ហើយអាចជាក្លឹប Real Madrid ឬក្លឹបចាស់ Barcelona ។
Neymar បាននិយាយថា “នៅថ្ងៃអនាគត អ្វីៗអាចនឹងប្រែប្រួល ខ្ញុំអាចនឹងចាកចេញពីក្លឹប Paris SG ។ ខ្ញុំមិននិយាយថា ខ្ញុំទៅលេងឲ្យក្លឹប Real Madrid នោះទេ ។ គ្រប់ៗគ្នាបានដឹងរួចហើយថា ក្តីសុបិន្តរបស់ខ្ញុំ គឺក្លឹបBarcelona“។
កីឡាករសញ្ជាតិប្រេស៊ីល រូបនេះ បានបន្តទៀតថា “Real Madrid គឺជាក្លឹបមួយដ៏ធំនៅលើពិភពលោក ដែលកីឡាករណាក៏ចង់មកលេងនៅទីនេះដែរ ប៉ុន្តែបច្ចុប្បន្ននេះ ខ្ញុំពេញចិត្តលេងឲ្យក្លឹប Paris SG”។
កីឡាករ Neymar មានតម្លៃខ្លួនខ្ពស់ជាងគេលើពិភពលោក ទើបតែបានធូរស្រាលពីរបួសជើង តាំងពីថ្ងៃទី២៣ ខែមករា មកម្ល៉េះ។ សម្រាប់ការប្រកួតបាល់ទាត់យូហ្វាឆេមពានលីក ជើងទី២ បើកទ្វារទទួលភ្ញៀវបិសាចក្រហម Man Utd កីឡាកររូបនេះនឹងមិនបានចូលសមរភូមិប្រយុទ្ធនោះទេ៕