បាត់ដំបង៖ ស្ត្រីម្នាក់ត្រូវឃាតករជាប្តីបានយកកាំបិតក្រង៉ុកកាប់ដាច់ក ស្លាប់ក្នុងថ្លុកឈាមយ៉ាងអាណោចអាធ័ម រួចយកក្បាលបោះចោលលើថ្នល់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៦និង៥០នាទីព្រឹក ថ្ងៃទី២១ ខែឧសភា ឆ្នាំ២០១៩ នៅផ្ទះរបស់របស់ជនរងគ្រោះ ស្ថិតក្នុងក្រុមទី1 ភូមិចំការអូរ ឃុំកន្ទឺ២ ស្រុកបាណន់។
ប្តីកំណាចដែលកាប់ប្រពន្ធស្លាប់ មានឈ្មោះយឿត រឿត ភេទប្រុស អាយុ33ឆ្នាំ។ ចំណែកស្ត្រីរងគ្រោះមានឈ្មោះ ម៉ាន់ សុភា អាយុ37ឆ្នាំ។ អ្នកទាំង២រស់នៅភូមិឃុំកើតហេតុខាងលើ។
តាមប្រភពព័ត៌មាន បានឲ្យដឹងថា កន្លងមកក្រុមគ្រួសារនេះតែងតែមានជម្លោះនឹងគ្នា មិនដែលខាននោះទេ មូលហេតុដោយសារតែក្រុមគ្រួសារខាងប្រពន្ធតែងព្យាយាមបំបែកបំបាក់ក្រុមគ្រួសារនេះ ដើម្បីយកស្ត្រីជាប្រពន្ធទៅនៅផ្ទះខាងម្តាយគេវិញនៅខេត្តកំពង់ស្ពឺ។ ចំណែកបុរសជាប្តីដោយសារស្រលាញ់ប្រពន្ធពេក មិនចង់ឲ្យឃ្លាតចេញឆ្ងាយ ក៏កើតក្តីប្រចណ្ឌហួងហែងប្រពន្ធជានិច្ច។
លុះនៅព្រឹកកើតហេតុ ថ្ងៃទី២១ ខែឧសភា ឆ្នាំ២០១៩ ស្រាប់តែគេក្រុមគ្រួសារមួយនេះ ឈ្លោះប្រកែកគ្នា ពេលនោះឃាតករជាប្តីបានយកកាបិតក្រង៉ុក មកាប់ប្រពន្ធត្រង់ក បណ្តាលឲ្យដាច់ ឈាមហូរស្រោចពេញខ្លួន។
ក្រោយកើតហេតុ ប្រជាពលរដ្ឋបានរាយការណ៍ប្រាប់សមត្ថកិច្ចចុះចាប់ខ្លួនឃាតករជាប្តី យកទៅផ្តន្ទាទោសតាមច្បាប់ ចំណែកសាកសពស្ត្រីជាប្រពន្ធ សមត្ថកិច្ចបានប្រគល់ឲ្យក្រុមគ្រួសារយកទៅធ្ចើបុណ្យតាមប្រពៃណី។
យ៉ាងណា ពេលនេះសមត្ថកិច្ចកំពុងសួរនាំឃាតករ ពីដំណើរដើមទងដែលកើតជាអំពើហិង្សានេះ៕
