ភ្នំពេញ៖ គូស្នេហ៍១គូ បានព្រមព្រៀងគ្នាចូលដេកផ្ទះសំណាក់យប់ទី១ បានដូចបំណងដោយមានឧបសគ្គអ្វីមករារាំងនោះទេ។ លុះញៀនញ៉ាម ក៏បបួលគ្នាចូលផ្ទះសំណាក់ យប់ទី២ ស្រាប់តែក្រុមគ្រួសារខាងស្រីមកដល់បន្ទប់ផ្ទះសំណាក់តែម្តង ក៏បាននាំគ្នាឃាត់ខ្លួន ប្រគល់ឲ្យសមត្ថកិច្ច ដោយដោទប្រកាន់រំលោភសេពសន្ធវៈ។
ជនសង្ស័យមានឈ្មោះ ឈ្មោះ ផុន លីផេង ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅផ្ទះជួល ភូមិត្រពាំងថ្លឹង២ សង្កាត់ចោមចៅ១ ខណ្ឌពោធិ៍សែនជ័យ ។ ចំណែកនារីរងគ្រោះ ឈ្មោះ ឃ.ស អាយុ២៣ឆ្នាំ មុខរបរកម្មកររោងចក្រ ស្នាក់នៅផ្ទះ ខណ្ឌពោធិ៍សែនជ័យ ។
បើតាមការឲ្យដឹងពីភាគីខាងប្រុស ដែលកំពុងរងការចោទប្រកាន់នេះ បានប្រាប់ថា រូបគេនិងនារីរងគ្រោះ (សង្សារ) បានស្រលាញ់យល់ចិត្តគ្នាយូរដែរហើយ បើតាមគម្រោង រូបគេគ្រោងនាំចាស់ៗចូលស្តីដណ្តឹងនារីជាសង្សារ ទុកជាគូដណ្តឹង ខ្លាចអ្នកផ្សេងមកបេះបាត់។
ភាគីខាងប្រុសបានបន្តថា មុនថ្ងៃកើតហេតុ យប់ថ្ងៃទី២៤ ខែឧសភា ឆ្នាំ២០១៩ រូរូបគេនិងសង្សារបានព្រមព្រៀងគ្នា ចូលដេកផ្ទះសំណាក់មួយកន្លែង ដោយពួកគេបាននៅជាមួយគ្នាតាមងពីយប់ទល់ភ្លឺ មិនមានឧសគ្គអ្វីមករារាំងនោះទេ។ លុះនៅយប់ថ្ងៃកើតហេតុ នៅវេលាម៉ោង៦និង៣០នាទីព្រលប់ថ្ងៃទី២៥ ខែឧសភា ឆ្នាំ២០១៩ ពួកគេទាំង២ ក៏បាននាំគ្នាចូលដេកផ្ទះសំណាក់ដដែលម្តងទៀត គ្រាន់តែដឹកដៃគ្នាចូលដល់បន្ទប់ផ្ទះសំណាក់ភ្លាម ស្រាប់តែក្រុមគ្រួសារខាងសង្សារ ក៏មកដល់ភ្លែត ហើយបានឃាត់ខ្លួនរូបគេ រួចរាយការណ៍ប្រាប់សមត្ថកិច្ចចាប់ខ្លួនតែម្តង។ ដែលរូបភាពនេះ ហាក់ដូចជាបានរៀបគម្រោងទុកជាស្រេច។
ចំពោះករណីខាងលើនេះ សមត្ថកិច្ចបានឃាត់ខ្លួនជនសង្ស័យយខាងលើយកមកសាកសួរនៅប៉ុស្តិ៍ចោមចៅ១ តាមពាក្យបណ្តឹងរបស់ក្រុមគ្រួសារនារីជាសង្សារ ដើម្បីកសាងសំណុំរឿងបញ្ជូនទៅផ្នែកជំនាញអធិការដ្ឋានខណ្ឌ៕