ភ្នំពេញ៖ស្រីស្រស់ហ្វា ហ្វា ហៅស្រីយី បានប្រាប់ថានៅខែមេសាឆ្នាំ២០២៣ ខាងមុខនេះនាងនឹងណាត់ជួបគ្នាដោយផ្ទាល់ជាមួយសង្សារដែលស្គាល់គ្នាតាមហ្វេសបុកនោះគឺកូនខ្មែរជាទា ហានអាមេរិកលោកSanan Sithadin បន្ទាប់ពីបានស្វែងយល់ចិត្តគ្នាអស់ជាច្រើនខែមក។អតីតសង្សារនាយចឺម រូបនេះថាទោះជានៅឆ្ងាយគ្នាដូចមេឃដីមែន តែនាងនិងគូស្នេហ៍ថ្មីទាក់ទងគ្នាតាមOnline ជារៀងរាល់ថ្ងៃហើយក្រុមគ្រួសារទាំងសងខាងក៍បានដឹងឭដូចគ្នាផងដែរដោយគ្មានខាងណាជំទាស់នោះទេ។ស្រីយី បន្ថែមថាមុនពេលបានជួបមុខសង្សារផ្ទាល់នេះនាងពិតជាមានអារម្មណ៍ខុសពីធម្មតាតែមិនយូទេពោលគឺនៅមុនចូលឆ្នាំខ្មែរអ្វីៗនឹងប្រព្រឹត្តិទៅដូចផែនការណ៍នោះគឺនាងនិងសង្សារនឹងបានជួបគ្នាមែនទែនលែងតាមហ្វេសបុកទៀតហើយ។
ហ្វា ហ្វា ក្រោយចែកផ្លូវគ្នាជាមួយនាយចឺម នាងផាត់ចោលការភ្ជាប់ស្នេហ៍ថ្មីប្រុសក្នុងស្រុកព្រោះជ្រើសផ្លូវ”ជួញឆ្ងាយ ប្រសើរជាងជួញជិត” ដោយសារមិនចង់ជួបស្នេហ៍ខកបំណងជាថ្មី។យ៉ាងណាហ្វា ហ្វា មិនទាន់ហ៊ានកំណត់ថាបន្ទាប់ពីនាងបានជួបគ្នាជាមួយទាហានអាមេរិកហើយនោះនាងអាចនឹងដឹកដៃប្រុសស្នេហ៍ចូលរោងការនៅពេលណាឡើយ ព្រោះនាងយល់ថានោះគ្រាន់តែជាតំណាក់កាលស្វែងយល់ចិត្តគ្នាបន្ថែមទៀតប៉ុណ្ណោះ។ដោយឡែកទាក់ទងរឿងជាមួយនាយចឺម វិញស្រីយី ថានាងលែងក្វល់ពីសង្សារចាស់ម្នាក់នេះហើយ ប៉ុន្ដែពេលជួបគ្នាដោយចៃដន្យនាងនៅតែនិយាយស្ដីរកគ្នាជាធម្មតា ហើយបើលោកមេសា នៅហៅថតMV បទថ្មីៗនោះនាងរីករាយជានិច្ច។
គេកត់សម្គាល់ថាស្រីស្អាតហ្វា ហ្វា ក្រោយបេះឆាស្នេហ៍នាយចឺម ហើយនាងបានកែពង្រីកដើមទ្រូងមកពេលនេះនាងមានយ៊ីអ៊ុនល្អព្រោះឆក់បាន តំណែងជាតួឯកក្នុងភាពយន្ដ ធំៗជាបន្ដបន្ទាប់ដូចជានៅប៉ុស្ដិ៍បាយ័ន និងSastra Film ជាដើម។ប៉ុន្ដែហ្វា ហ្វា ថានាងមិនមានកុងត្រាផ្ដាច់មុខឲ្យផលិតកម្មណានោះទេ ពោលគឺអាចថតឲ្យផលិតករទូទៅបាន។
គេចាំមើលថាតើហ្វា ហ្វា នឹងរក្សារចំណងស្នេហាជាមួយទាហានអាមេរិករហូតអាចដឹកដៃគ្នាចូលរោងការបានឬទេ?ឬមួយគ្រាន់តែជាស្នេហ៍១ផ្សែងបារី?
