ភ្នំពេញ៖សុគន្ធ និសា បានប្រាប់អ្នកយកព័តមានយើងកាលពីពេលថ្មីៗនេះថានាងបានសម្រេចចិត្តច្បាស់លាស់ហើយថានឹងមិនពន្យាពេលតទៅទៀតនោះទេ គឺត្រូវតែយកកូននៅឆ្នាំ២០២២ នេះព្រោះថាអាយុនាងនិងស្វាមីក៍កាន់តែច្រើនដែរហើយ អីចឹងត្រូវគិតគូយកកូនចៅ។ប៉ុន្ដែការធានា១០០% ថាប្រាកដជាបានកូនង៉ែតឲ្យខាងតែបាននោះនាងថាមិនអាចប្រាកដដល់ម្លឹងនោះទេ តែការគ្មានកូនតាំងពីរៀបការរហូតដល់ពេលនេះមិនមែននាងគ្មានលទ្ធភាពពពោះឡើយ ប៉ុន្ដែមូលហេតុគឺមកពីនាងមិនទាន់ចង់បានហើយចង់មានកូនទៅតាមគម្រោង មិនមែនចៃដន្យ ទើបបានជារកតែ១គ្រាប់ហ្នឹងគេធ្វើពូជមិនទាន់បានបែបនេះ។
ប្រសិនបើសុគន្ធ និសា ពិតជាមានកូនដំបូងនៅចុងឆ្នាំ២០២២ នេះមែននោះប្រាកដជាបញ្ចប់រឿងខកចិត្តជាង៥ឆ្នាំពីសំណាក់ក្រុមគ្រួសារទាំងសងខាងជាមិនខានព្រោះនាងធ្លាប់សារភាពថាពួកគាត់ជម្រុញឲ្យនាងយកកូនតាំងពីក្រោយនាងរៀបការហើយភ្លាមៗម្លេះ(ម្ដាយចង់បានចៅព) តែនាងនិងស្វាមីបានពិភាក្សារគ្នានៅពេលនោះថាមិនទាន់ដល់ពេលយកកូនហើយសម្រេចចិត្តពន្យា។ថ្វីត្បិតតែសុគន្ធ និសា អះអាងបែបនេះក្ដី ប៉ុន្ដែរឿងមួយដែលគេជឿរថាជាដើមហេតុធ្វើឲ្យនិសា រៀបការជាង៦០ខែ តែបែជាគ្មានកូនង៉ាបីដូចគេនោះអាចមកពីនាងចង់ផ្ដល់កំណើតកូនទី១នៅលើទឹកដីអាមេរិកកើតភ្លាម បានសញ្ជាតិអាមេរិកភ្លែត តែនាងមិនទាន់ទទួលបានសិទ្ធិរស់នៅអាចិនត្រេយ៍(Visa)ទើបចេះតែលើកពេលយកកូនជាបន្ដបន្ទាប់រហូតមកដល់សព្វថ្ងៃ។ដោយឡែកការប្ដូរចិត្តរឿងយកកូននៅពេលនេះដោយសារតែនិសា បារម្ភខ្លាចអាយុកាន់តែច្រើនពិបាកយកកូនដូចមាស សុខសោភា ទើបនាងមិនអាចបង្អង់បានតទៅទៀតនោះទេ ខណៈដែលស្វាមីនាងលោកចៅ សម្បត្តិ ក៍បើកសិទ្ធិឲ្យនាងបន្ដអាជីពសិល្បៈតាមចិត្តចង់ ហេតុនេះហើយនិសា នៅតែមិនព្រលែងអាជីពចម្រៀងនោះទេដោយជ្រើសផ្លូវចេញចូលអាមេរិកទៅមកៗទើបនាងត្រូវតែយកកូននៅឆ្នាំនេះតែម្ដង។
សូមបញ្ជាក់ថាទោះជាសុគន្ធ និសា ថាចង់បានកូននៅឆ្នាំ២០២២ មែន ប៉ុន្ដែគេជឿរថាផែនការណ៍របស់នាងអាចនឹងជួបឧបស័ក្កខ្លះជាមិនខានព្រោះថាការត្រៀមពពោះគូរតែនាងបន្ថយការងារសិល្បៈ ប៉ុន្ដែពេលនេះនាងបែជាកាន់តែមមាញឹកជាងមុនទៅវិញព្រោះទទួល យកតំណែងជាគ្រូបង្វឹក(Coach) The Voice Kids Cambodia រដូវកាលទី៣ ជំនួសសួស វីសា ដែលការបំពេញតួនាទីមួយនេះត្រូវប្រើពេលដល់ទៅ៦ខែទើបចប់ ហេតុនេះហើយគេជឿរថានាងប្រាកដជាមានការពិបាកខ្លះៗជាមិនខានបើមានទម្ងន់ផងប្រឹងធ្វើជាអ្នកបង្ហាត់ក្មេងៗច្រៀងបែបនេះ។តែចំណុចទាំងនេះមិនមែនជារឿងធំសម្រាប់សុគន្ធ និសា ដែលស្ទាក់ស្ទើចិត្តយកកូនទៀតនោះទេ ព្រោះថាមុននេះឱក សុគន្ធកញ្ញា ក៍ធ្លាប់ពពោះហើយចេញច្រៀងសម្ដែងនិងធ្វើជាគណៈកម្មារការ ,គ្រូបង្វឹកផងរហូតកៀកដល់ថ្ងៃសម្រាលទើបនាងផ្អាកសកម្មភាពសិល្បៈ។សម្រាប់សុគន្ធ និសា វិញបើនាងទទួលបានកាដូកូនទី១ដូចបំណងមែននោះមិនត្រឹមតែធ្វើឲ្យម្ដាយនាងនិងឪពុកម្ដាយក្មេកសប្បាយចិត្តព្រោះបានចៅពនោះទេ តែចំណងស្នេហានាងនឹងកាន់តែមានភាពរឹងមាំជាងមុនថែមទៀតជាមិនខាន ព្រោះថាមានប្ដីប្រពន្ធតារាខ្លះរៀបការច្រើនឆ្នាំហើយបែជាគ្មានកូននោះក៍ជាបញ្ហាចោទមួយធ្វើឲ្យចំណងស្នេហាពួកគេរង្គោះរង្គើរបានដែរ។
សុគន្ធ និសា បានដឹកដៃលោកចៅ សម្បត្តិ អាណិជនខ្មែរមកពីរដ្ឋBoston សហរដ្ឋអាមេរិករៀបការកាលពីថ្ងៃទី១ខែធ្នូឆ្នាំ២០១៧ ហើយក្រោយមានស្វាមីនេះនាងបានសម្រុកថតភាពយន្ដជាតួឯកដល់ទៅ៤រឿងជាប់គ្នាគឺរឿង”សិសិរដូវក្នុងបេះដូង”,”រាជនីភូមិគ្រិះ”,”ព្រះវេស្សន្ដជាតក” និងរឿង”ចំណតថ្មីនៃសុភមង្គល”។និសា ប្រាប់ថាក្រៅពីទទួលបានតួនាទីជាCoach កម្មវិធីThe Voice Kids Cambodia រដូវកាលទី៣នេះនាងក៍អាចនឹងកាន់ការងារដូចគ្នានេះសម្រាប់កម្មវិធីមួយចំនួនទៀតដែរនាពេលខាងមុខឲ្យតែថ្នាក់ដឹកនាំហង្សមាសតម្រូវ។គេចាំមើលថាសុគន្ធ និសា នឹងដឹកនាំកូនក្រុមលើកពានមុន ឬក៍នាងចង់ជោគជ័យយកកូនផ្ទាល់ខ្លួនឲ្យបាននៅឆ្នាំ២០២២ នេះ?
