តាមប្រភពព័ត៌មានពី Daily Mail ចេញផ្សាយកាលពីថ្ងៃពុធ ទី៥ ខែកញ្ញា ឆ្នាំ២០១៨ បានឲ្យដឹងថា កីឡាករ Ander Herrera ចង់បន្តកុងត្រាថ្មីរួមរស់ជាមួយក្លឹប Man Utd ខណៈកុងត្រាចាស់ជិតផុតកំណត់ទៅហើយ។
បិសាចក្រហម Man Utd បានទិញកីឡាករវ័យ២៩ឆ្នាំរូបនេះ មកពីក្លឹបBilbao កាលពីឆ្នាំ២០១៤ ក្នុងតម្លៃជាង៣៥លានដុល្លារ ។
តំណាងកីឡាករ Ander Herrera បានព្យាយាមចរចាជាមួយមន្ត្រីក្លឹបMan Utd កាលពី១២ខែមុន ប៉ុន្តែមិនទាន់ទទួលបានកុងត្រាថ្មីនៅឡើយទេ។
Jose Morinho ចង់ឲ្យកីឡាករ Herrera បន្តកុងត្រាថ្មី ដោយសារតែកីឡាកររូបនេះបំពេញតួនាទីបានល្អ និងលេងបានច្រើនតំបន់ ។
ក្លឹប Man Utd បានបន្តកុងត្រាថ្មីឲ្យកីឡាករ David de Gea និងមានគម្រោងបន្តកុងត្រាថ្មីសម្រាប់កីឡាករ Luke Shaw ប៉ុន្តែហាក់ដូចជាភ្លេច Ander Herrera។
គួររំឭកថា កីឡាករខ្សែបម្រើ Ander Herrera បានចូលមកលេងឲ្យក្លឹបMan Utd តាំងពីឆ្នាំ២០១៤ ក្រោយផ្ទេរមកពីក្លឹប Bilbao ។ នៅជាមួយក្លឹបនេះ ធ្លាប់ស៊ុតបាល់បាន១០គ្រាប់ ក្នុងការបង្ហាញវត្តមាន១១២ប្រកួត៕