បន្ទាប់ពីក្លឹប Barcelona និង Girona ដាក់សំណើសុំការអនុញ្ញាតពីសហព័ន្ធបាល់ទាត់អេស្ប៉ាញ ចេញប្រកួតក្រៅប្រទេស ឥឡូវនេះ សហព័ន្ធបានយល់ព្រមហើយ គឺអនុញ្ញាតឱ្យក្លឹបទាំង2 ទៅប្រកួតនៅរដ្ឋ Miami លើទឹកដីសហរដ្ឋអាមេរិក។
ជំនួបរវាងក្លឹប Girona និង Barcelona សម្រាប់សប្តាហ៍21 បានព្រមព្រៀងគ្នាលើកការប្រកួតទៅថ្ងៃទី26 ខែមករា លេងនៅកីឡដ្ឋាន The Hard Rock របស់អាមេរិកវិញ។
ក្របខណ្ឌ Spain Premera Liga បានចុះកុងត្រាជាមួយក្រុមហ៊ុនប្រព័ន្ធផ្សព្វផ្សាយរយៈពេល15ឆ្នាំ ប្រកួតក្នុងទឹកដីអាមេរិក មួយរដូវកាល មួយប្រកួត។
ជាមួយគ្នានេះដែរ អ្នកគាំទ្រក្លឹប Girona អាចជិះយន្តហោះដោយមិនអស់លុយ ទៅមើលការប្រកួតនៅរដ្ឋ Miami សហរដ្ឋអាមេរិក ជាមួយនឹងជម្រើសស្នាក់នៅទីនោះ មួយយប់ ឬត្រូវត្រឡប់មកវិញ ពេលចប់ការប្រកួត។
ចំណែកឯអ្នកគាំទ្រដែលមិនចង់ទៅមើលនៅអាមេរិក នឹងទទួលបានសំបុត្រមិនគិតលុយ 5000ទៀត សម្រាប់ការប្រកួតក្រៅផ្ទះនៅពហុកីឡដ្ឋាន Nou Camp។
កត្តាចម្បងដែលនាំឱ្យមានការប្រកួត Spian Premera Liga នៅក្រៅទឹកដីអេស្ប៉ាញ គឺដើម្បីទាក់ទាញអ្នកគាំទ្រនៅជុំវិញពិភពលោក និងឱ្យគ្រប់គ្នាស្គាល់ក្របខណ្ឌនេះ កាន់តែច្បាស់ថែមទៀត៕
