ខេត្តកណ្ដាល ៖ បុរសជាគ្រូបង្រៀនម្នាក់ ត្រូវបានឪពុកម្តាយក្មេងស្រីរងគ្រោះប្តឹងសមត្ថកិច្ចឲ្យឃាត់ខ្លួនកាលពីថ្ងៃទី១០ ខែឧសភា ឆ្នាំ២០១៩ បន្ទាប់ពីលោកគ្រូម្នាក់នេះបានធ្វើសកម្មភាពចាប់រំលោភក្មេងស្រីរងគ្រោះនៅក្នុងបន្ទប់ទឹកនៅក្នុងសាលារៀន។
ហេតុការណ៍នេះបានកើតឡើងកាលពីម៉ោង១០និង១៥នាទី ថ្ងៃទី៩ ខែឧសភា ឆ្នាំ២០១៩ នៅចំណុចក្នុងបន្ទប់ទឹកសាលាឯកជនមួយ សាខាមាត់ទន្លេ ក្នុងភូមិតាខ្មៅ៣ សង្កាត់តាខ្មៅ ក្រុងតាខ្មៅ។
ជនសង្ស័យល្មោភកាម មានឈ្មោះរ៉ូម៉ាន់ បាឡូអាគីណូ ភេទប្រុស ជនជាតិហ្វីលីពីន អាយុ២៧ឆ្នាំ ស្នាក់នៅផ្ទះជួល សង្កាត់ទួលទំពូង ខណ្ឌ៧មករា មុខរបរគ្រូបង្រៀនភាសាអង់គ្លេស។ ចំណែកក្មេងស្រីរងគ្រោះទើបអាយុ៤ឆ្នាំ ជាសិស្ស មានទីលំនៅខេត្តកណ្តាល។
ប្រភពពីសមត្ថកិច្ចបានឲ្យដឹងថា កាលពីវេលាម៉ោង១២ថ្ងៃត្រង់ ថ្ងៃទី១០ ខែឧសភា ឆ្នាំ២០១៩ សមត្ថកិច្ចបានទទួលពាក្យបណ្តឹងពីឪពុកម្តាយក្មេងស្រីរងគ្រោះ បានចោទប្រកាន់លើលោកគ្រូបបង្រៀនភាសាអង់គ្លេសម្នាក់ មានឈ្មោះរ៉ូម៉ាន់ បាឡូអាគីណូ ថាបានចាប់រំលោភកូនស្រីរបស់គាត់។ បន្ទាប់មកសមត្ថកិច្ចក៏បានហៅជនសង្ស័យមកសាកសួរ។
ប្រភពដដែលបានបន្តថា នៅមុនពេលកើតហេតុ កាលពីវេលាម៉ោង៧ព្រឹក ថ្ងៃទី៩ ខែឧសភា ឆ្នាំ២០១៩ គាត់ជូនកូនស្រីទៅរៀននៅសាលាសាខាមាត់ទន្លេតាខ្មៅ ដូចសព្វដង។ លុះដល់ម៉ោង១០និង៣០នាទី ទើបទៅទទួលក្មេងស្រីរងគ្រោះត្រឡប់មកផ្ទះវិញ ពេលមកដល់ផ្ទះម្តាយក្មេងស្រីរងគ្រោះក៏ផ្លាស់សំលៀកបំពាក់ឱ្យកូន ទើបឃើញមានស្នាមឈាមប្រឡាក់លើខោលីអូកូន និងមានទឹកកាមប្រឡាក់ស្អិតជាប់ខោទៀតផង។ ម្តាយក្មេងស្រីក៏បានឈ្លេចសួរកូនស្រី ហើយកូនស្រីក៏បានប្រាប់ថា នៅក្នុងម៉ោងរៀននោះ នាងបានសុំលោកគ្រូឈ្មោះប៉ាឡូ ដើម្បីចេញទៅបត់ជើង ពេលនោះលោកគ្រូបានអនុញ្ញាតឱ្យទៅ ប៉ុន្តែលោកគ្រូបានដើរតាមក្រោយ រហូតដល់បន្ទប់ទឹក។ ពេលនាងបត់ជើងតូចហើយនោះ ជនសង្ស័យបានលាងគូថឱ្យក្មេងស្រីរងគ្រោះ ហើយជនសង្ស័បានលូកលេងប្រដាប់ក្មេងស្រីរងគ្រោះ រហូតចេញឈាម។
ប្រភពសមត្ថកិច្ចបានឱ្យដឹងបន្ថែមថា ក្រោយកូនស្រីប្រាប់រឿងហេតុយ៉ាងដូច្នេះ ម្តាយក្មេងស្រីរងគ្រោះបាននាំកូនស្រីទៅពិនិត្យនៅមន្ទីរពេទ្យជ័យជំនះ ហើយគ្រូពេទ្យប្រាប់ថា ប្រដាប់ភេទក្មេងស្រីរងគ្រោះមានដាច់រយះដូចមានរបស់រឹងធំដាក់ចូល។
ក្រោយឃាត់ខ្លួន ជនសង្ស័យមិនបានឆ្លើយសារភាពនោះទេ។
បច្ចុប្បន្ន សមត្ថកិច្ចបានកំពុងកសាងសំណុំរឿងជនសង្ស័យសំណុំរឿង និងបញ្ជូនជនសង្ស័យទៅកាន់តុលាការ ដើម្បីចាត់កាតាមនីតិវិធីច្បាប់៕