នៅស្ងាត់ៗ ស្រាប់តែអ្នកនាងម៉េង កែវពេជ្ជតា បានប្រតិកម្មជាមួយបុរសម្នាក់ដែលបានចែករំលែកព័ត៌មាន ហើយបានសរសេរសារដែលធ្វើឲ្យប៉ះពាល់កិត្តិយស់អ្នកនាង ដោយថែមទាំងដាក់សំណួរចំនួន៧ ឲ្យបុរសនោះឆ្លើយថែមទៀតផង។
អ្នកនាងម៉េង កែវពេជ្ជតា បានបង្ហោះសារនៅថ្ងៃទី២៦ ខែវិច្ឆិកា ឆ្នាំ២០១៩ ថា ”៧ សំនួរសម្រាប់លោក ប៉ាង សុខឿនឆ្លេីយ ក្នងពេលដែលលោកយកពត៌មានគេសរសេរអំពីខ្ញុំសោះ យកមកឆ្លៀតឱកាសបញ្ចេញខមិនវាយប្រហារបែបនេះ ដល់ពេលខ្ញុំសួរ លោកមិនត្រឹមមិនឆ្លើយតែបែរជាប្លក់ខ្ញុំមិនអោយចូលខមិនលោកទៅវិញ ! ដូច្នេះមានតែលើកមកទីនេះ ..ហេីយអ្នកដែលចូលចិត្តជេរបញ្ចោរក៏សូមបើកភ្នែកមើលផង!”។
អ្នកនាងពេជ្ជតា បានបន្តថា “លោកប៉ាង សុខឿន ! សំនេររបស់លោកពិតជាមានចេតនាញុះញង់ចាក់រុកឆ្កិះឆ្កៀលរបៀបពាលក្នុងបំណងបង្កររឿងអោយបែកបាក់សាម្គីរវាងខ្មែរនឹងខ្មែរយ៉ាងប្រាកដណាស់ ។ មួយទៀតលោកសរសេរក្នុងន័យពេបជ្រាយចំអក និងជាន់ពន្លិចបែបច្រណែនដ៏គួរអោយខ្លាច ។ ក្នុងនាមលោកជាអ្នកសរសេររឿងនយោបាយ លោកមិនគួរកំសាកញីយករូបស្ត្រីម្នាក់ដែលខំតស៊ូច្រៀងចិញ្ចឹមកូនតែម្នាក់ឯងយ៉ាងលំបាកអស់រយៈពេលជិត១០ឆ្នាំមកនេះ ថែមទាំងយករូបក្មេងដ៏ស្លូតត្រង់ប្រៀបបានក្រណាត់សសស្អាតពីរនាក់ដែលគ្នាខំតស៊ូរៀនសូត្រតាមគន្លងធម៌ និងរស់នៅជាមួយម្តាយដោយគ្មានឪពុកទំនុកបំរុងបន្តិចសោះ មកធ្វើជាការលេងសើចចំអកផ្លែផ្កាបែបនេះទេ ។
អ្នកនាងពេជ្ជតា បានបន្តតៀតថា “លោកគួររក្សាសំនេររបស់លោកអោយស្ថិតក្នុងភាពថ្លៃថ្នូរជាមនស្សប្រុស ជាអ្នកចេះដឹងដូចលោកអួត ជាជាងមកផ្ចាញ់ផ្ចាល់ជាមួយពួកយើង ។ ប៉ុន្តែខ្ញុំក៏មិនខ្លាចដែរបើលោកចង់លេងសម្តីជាមួយខ្ញុំ ខ្ញុំស្វាគមន៍គ្រប់ពេលអោយតែលោកមានហេតុផល និងគោរពសិទ្ធមិនល្មើសច្បាប់មនុស្សជាតិយកក្មេងមកបំពាន និងមិនប្រើសម្តីពាលាអាវ៉ាសែ ។
អ្នកនាងម៉េង កែវពេជ្ជតា បានដាក់សំណួរថា “សូមសួរលោកនូវសំនួរមួយចំនួន :
១. បេីលោកជាមនុស្សប្រុសដេីមទ្រូងប្រាំហត្ថមែន តេីលោកគួរតែអបអរដែរទេ នៅពេលដែលឃេីញស្ត្រីម្នាក់ក្រោយលែងលះធ្លាក់ខ្លួនក្រសល់តែកូនពីរតែអាចងេីបឈរដេីម្បីកូនៗខ្លួនឯងបានមកវិញ ដោយមិនសម្លាប់ខ្លួន ឬបោះបង់កូនរត់តាមប្រុសដូចស្រីខ្លះ ?
២ . តេីលោកនឹងសប្បាយមែនទេពេលដែលលោកឃេីញម្តាយម្នាក់នេះ នាំកូនធ្លាក់ខ្លួនអានាថាជក់ថ្នាំ សេពគ្រឿងញៀន ឬប្រេីជីវិតក្នុងអបាយមុខបំផ្លាញសង្គម ? បេីដូច្នោះមែន លោកនឹងនាំគ្នាដៀលត្មះមិនឈប់មាត់
៣ . តេីលោកគួរតែខ្មាស់កូនៗខ្ញុំទៅវិញដែរទេ ដែលក្នុងនាមលោកក៏ជាឪពុកកូនរបស់លោកម្នាក់ដែរ តែបែរជាមិនបានផ្តល់គំរូល្អអ្វីដល់កូនៗរបស់លោក ?
៤.តេីលោកខ្មាស់អៀនចំពោះពិភពលោកទេ ដែលលោកជាមនុស្សចាស់ហេីយតែងតែស្រែកជេររដ្ឋាភិបាលកម្ពុជាថាមិនដែលគិតគូរដល់សុខទុក្ខប្រជាជន តែពេលនេះលោកបែរជាកំពុងយកជេីងរាទឹក យកដៃសរសេរ បំផ្លាញ និងមាត់របស់លោកស្រែកបង្កូកហៅអោយគ្នីគ្នាមួយក្តាប់តូចរបស់លោកចូលមកជេរបញ្ចោរធ្វេីជាឧបសគ្គរារាំងក្នុងការបណ្តុះបណ្តាលធនធានមនុស្ស ?
៥. តេីលោកគួរតែខ្មាស់អៀនកូនៗខ្ញុំដែរទេ ដែលពួកលោកសុទ្ធតែជាមនុស្សពេញវ័យ និងជាមនុស្សចាស់ៗសក់ពីរពណ៌ទៅហេីយ ប៉ុន្តែស្នាដៃប៉ុនចុងក្រចកអ្វីក៏មិនទាន់បានបន្សល់ទុកជាចំណែកជួយជាតិអោយដូចកូនៗខ្ញុំដែលត្រឹមជាកូនក្មេងនៅឡេីយសោះ តែលោកបែរជាក្លាហានចូលមករុកកួនកូនក្មេង និងមនុស្សស្រីដែលមានកម្លាំងតិចត្រឹមតែជាអ្នកសិល្បៈទៅវិញនេះតេីថ្លៃថ្នូរទេ?
៦. បេីលោកឈ្នះខ្ញុំ តេីលោកនឹងមានមោទនៈភាពមែនទេដែលក្នុងនាមលោកជាមនុស្សប្រុសពេញកំលាំងបែរជាមកប្រណាំងច្បាំងជាមួយមនុស្សស្រីនិងជាអ្នកសិល្បៈគ្មានគ្រឿងអាវុធ ហេីយកំពុងដឹកដៃកូនតូចៗដេីររកផ្លូវល្អ តេីលោកគិតថាធ្វេីបែបនេះវាអស្ចារ្យសម្រាប់លោក? តេីលោកមានបេះដូងជាមនុស្សដែរទេ? សម្រាប់ខ្ញុំគ្រាន់តែនិយាយប៉ុណ្ណេះ ខ្ញុំញ័ររន្ធត់ដោយក្តីអាណោចខ្លោចចិត្តទៅហេីយ បេីសិនរូបខ្ញុំជាម្តាយឬជាបងប្អូនស្រីរបស់លោកវិញនុះ! តេីលោកនឹងគិតថាពិភពលោកលេីកពានអ្វីអោយលោកទេ?
៧. តេីលោកបានគិតទេថា បេីលោកនៅមានចិត្តច្រណែនព្យាបាទយ៉ាងទាបថោកបែបនេះ តេីពាក្យសម្តីរបស់លោកដែលតែងតែស្រែកអួតថាបក្សលោកស្អាតស្អំនោះ តេីនឹងមានប្រយោជន៍ស្អីទៅ ?
សរុបមក ដោយសារលោកនិងបក្សពួកមួយចំនួននោះមានចរិតបំផ្លាញជាតិ និងគ្មានស្មារតីបង្រួបបង្រួមជាតិបែបនេះហេីយ ទេីបបានជាគេអស់ជំនឿ ហេីយបក្សរបស់លោកក៏រលត់រលាយគ្មានថ្ងៃងេីប និងជាប់គុគ គឺសមហេតុសមផលណាស់“។
យ៉ាងណា មកដល់ពេលនេះ គេមិនទាន់ឃើញលោកប៉ាង សុខខឿន ឆ្លើយនូវសំណួររបស់អ្នកនាងម៉េង ពេជ្ជតា នៅឡើយទេ៕