ប្រទេសថៃ ៖ កញ្ញា ផនិដា ខឿនចិន្តា ហៅឌីនសស៊ី ពាក់ផ្លាកលេខ MT11 មកពីឈៀងម៉ៃ បានក្លាយជាជ័យ លាភី “បវរកញ្ញាថៃ ឆ្នាំ២០២៤” ដែលបានធ្វើការប្រកួតផ្តាច់ព្រ័ត្រ (Final Competition) កាលពីយប់ថ្ងៃទី២៥ ខែកុម្ភៈ ឆ្នាំ២០២៤ នៅមជ្ឈមណ្ឌល MCC Hall ។
កញ្ញា ផនិដា ខឿនចិន្តា ហៅឌីនសស៊ី ជាបវរកញ្ញាថៃ ទី៥៥ ដែលមានរូបសម្រស់ស្រស់ស្អាត ឆើតឆាយ ឆ្លាត និងមានថាមពល បានទទួលការបំពាក់មកុដពីបវរកញ្ញាថៃ ឆ្នាំ២០២៣ កញ្ញា កានត៍ ឆុននិកានត៍ ដែលធ្វើឱ្យស្រក់នាងរំភើប រហូតស្រក់ទឹកភ្នែកលើឆាក។
ជ័យលាភីបវរកញ្ញាថៃ ឆ្នាំ២០២៤ បានទទួលមកុដកិត្តិយស ផ្កាសម្រាប់តំណែង និងប្រាក់រង្វាន់ ៨០០ ០០០បាត ហើយអាចស្នាក់នៅខុនដូ Asset Wise ដោយឥតគិតថ្លៃ រយៈពេលពេញ ១ឆ្នាំ រួមជាមួយនឹងរង្វាន់ពីអ្នកឧបត្ថម្ភមួយចំនួនទៀត ។
ជ័យលាភីបវរកញ្ញា លេខ២ គឺកញ្ញា ផនស៊ិរិគុន ផួថា ហៅនីងខ៍ ពាក់ស្លាកលេខ MT14 មកពីប្រះជួបស៊ិរិខាន់ ។
ជ័យលាភីបវរកញ្ញាលេខ ៣ បានទៅលើកញ្ញា អាធិទិយ៉ា បេនចះប៉ាក់ ពាក់ស្លាកលេខ MT13 មកពីនគររាជសីមា។
ជ័យលាភីបវរកញ្ញាលេខ ៤ បានទៅលើកញ្ញាសុកញ្ញា វង្សបញ្ញាឌី ហៅភ្លេងក្វាន់ ពាក់ស្លាកលេខ MT21។ជ័យលាភីបវរកញ្ញាលេខ ៥ បានទៅលើកញ្ញាណាមនិង វ៉ែនដឺវេន ហៅឧត្តរឌិតយ៍ ពាក់ស្លាកលេខ MT 29៕