ភ្នំពេញ ៖ នៅថ្ងៃទី១ ខែឧសភា ឆ្នាំ២០២៦ ក្រុមការងារចម្រុះ ដឹកនាំដោយអភិបាលខណ្ឌមានជ័យ បានការដឹក នាំសម្របសម្រួលនីតិវិធីផ្លូវច្បាប់ ពីលោក ជា សា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះពិនិត្យទីតាំង បុរី ប៉េងហួត ដឹស្តារអិតធឺណល ស្ថិតនៅផ្ទះលេខ០៤ ផ្លូវលេខ E-10 ភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ ពាក់ព័ន្ធសង្ស័យករណីសង្ស័យបទល្មើសឆបោកតាមប្រព័ន្ធបច្ចេកវិទ្យា ( Scam Online)។
ជាលទ្ធផល សមត្ថកិច្ចបានរកឃើញជនជាតិបង់ក្លាដែស ចំនួន១២នាក់ និងរកឃើញវត្ថុតាង Laptop ២គ្រឿង ទូរស័ព្ទ ២៣គ្រឿង កុំព្យូទ័រ All in one ១៤គ្រឿង អាវសដៃវែង១ អាវធំ១ ក្រវាត់ក១ និងក្រដាសលុយសែន មួយ ចំនួន។
ក្រុមជនល្មើសខាងលើ ប្រើប្រាស់ប្រទេសកម្ពុជា ដើម្បីប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) ក្រោមរូបភាពដោយអូសទាញឱ្យជនរងគ្រោះ បង់ប្រាក់ថ្លៃសេវារដ្ឋបាល (រត់ការ) ផ្តល់កម្ចីក្លែងក្លាយ៕
