លោកហេង រតនា ដែលជាប្រធានសកម្មភាពកម្ចាត់មីននៅកម្ពុជា (CMAC) នៅព្រឹកថ្ងៃនេះ បានបង្ហោះសារលើហ្វេសប៊ុក សោកស្តាយនិងក្តុកក្តួលចិត្តជំពោះគ្រូបង្ហាត់ឆ្កែមួយរុប ដែលមានឈ្មោះហុីន រតនា ដែលបានជួបគ្រោះថ្នាក់ចរាចរណ៍។
លោកហេង រតនា បានបង្ហោះសារថា “ខ្ញុំនិងក្រុមជំនាញសុនខសុីម៉ាក់ទាំងអស់ មានការសោកស្តាយនិងក្តុកក្តួលចិត្តក្រៃលែង ដោយលោក ហុីន រតនា ជាអ្នកជំនាញសុនខយ៉ាងពិសេស មួយរូបមានគ្រោះថ្នាក់ចរាចរ រងរបួសធ្ងន់ធ្ងរ”។
លោកបានបន្តថា “ខ្ញុំធ្លាប់សន្ទនាជាមួយគាត់ជាភាសាខែ្មរខ្លះ ជាភាសាអង់គ្លេសខ្លះ ព្រោះលោកបានរស់នៅនិងធ្វើការយូរនៅសរដ្ឋអាមេរិក នឹងមានសមត្ថភាពប្រើប្រាស់ភាសាទាំង២! លោកជាអ្នកជំនាញសុនខកំរិតអន្តរជាតិ”។
ជាចុងក្រោយ លោកបានជូនពរដល់លោកហុីន រតនា ថា “សូមឱយលោកហ៊ីន រតនា បានជាសះស្បើយនិងរឹងមាំឡើងវិញបានឆាប់រហ័ស។ ពួកយើងនឹងចូលរួមចែករំលែកធនធានផ្ទាល់ខ្លួន ចូលរួមជាមួយគ្រួសារលោក ហុីន រតនា!”។
គួរបញ្ជាក់ថា កាលពីពេលថ្មីៗនេះ មានករណីគ្រោះថ្នាក់ចរាចរណ៍មួយ បង្កឡើងដោយជនជាតិចិន ដែលបានបើករថយន្តបើកទៅមុខកិននិងថយក្រោយកិនម្ដងទៀត រហូតបាក់ឆ្អឹងខ្នង ឆ្អឹងស្លាបបមរជៀវ ឆ្អឹងជំនីជាច្រើន។ ជនរងគ្រោះថ្នាក់ត្រូវបានគេស្គាល់ឈ្មោះថា ហុិន រតនា រងរបួសធ្ងន់ នៅតាមបណ្តេាយផ្លូវសហពន្ធ័រុស្សី សង្កាត់ផ្សារដេប៉ូទី៣ ខណ្ឌទួលគេាក រាជធានីភ្នំពេញ៕
