ភ្នំពេញ ៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់នាយឧត្តមសេនីយ៍ ស ថេត អគ្គស្នងការនគរបាលជាតិ និងជាប្រធានអនុគណៈកម្មការទី៤ (សន្តិសុខ សណ្តាប់ធ្នាប់ និងសង្រ្គោះ) នៃកិច្ចប្រជុំពូលហ្រ្វង់កូហ្វូនី នៅវេលាម៉ោង២និង០០នាទីរសៀល ថ្ងៃទី១២ ខែមិថុនា ឆ្នាំ២០២៦ កងកម្លាំងនគរបាល នៃនាយកដ្ឋានអង្គរក្ស អគ្គស្នងការដ្ឋាននគរបាលជាតិ នឹងធ្វើហាត់សមក្បួនហែអមទ្រង់ទ្រាយធំ ចាប់ពីកោះពេជ្រ រហូតដល់អាកាសដ្ឋានអន្ដរជាតិតេជោ ដែលជាការហ្វឹកហាត់ក្បួនហែអម ត្រៀមការពារសន្ដិសុខ សណ្ដាប់ធ្នាប់ និងសុវត្ថិភាព ក្នុងកិច្ចប្រជុំពូលហ្រ្វង់កូហ្វូនី ដែលកម្ពុជា ធ្វើជាម្ចាស់ផ្ទះ នាពេលខាងមុខ។
លោកឧត្តមសេនីយ៍ឯក យឹម លាង អគ្គស្នងការរងនគរបាលជាតិ ដេលទទួលបន្ទុកដឹកនាំការងារនាយកដ្ឋានអង្គរក្ស បានស្នើសុំការយោគយល់ អធ្យាស្រ័យ ពីបងប្អូនប្រជាពលរដ្ឋ និងអ្នកធ្វើដំណើរ ចំពោះការកកស្ទះ ពេលក្បួនឆ្លងកាត់។
លោកឧត្តមសេនីយ៍ឯក យឹម លាង បានឲ្យដឹងថា សម្រាប់តម្រាយផ្លូវនៃការហ្វឹកហាត់សមនេះ គឺចាប់ផ្ដើមចេញពី ៖ ១- បរិវេណមុខសាលមហាស្រពកោះពេជ្រ ២- ផ្លូវនាគបាញ់ទឹក ៣- វិមានឯករាជ្យ ៤- ផ្លូវព្រះសីហនុ ៥- អគារ៤២ជាន់ ស្ដុបពេទ្យចិន (បត់ឆ្វេងតាមបណ្ដោយផ្លូវមុនីវង្ស) ៥- ស្ពានអាកាសសម្ដេចតេជោ ហ៊ុន សែន ៧- មហាវិថីសម្តេចតេជោ ហ៊ុន សែន (ផ្លូវ ៦០ម៉ែត្រ) ៨- ឆ្ពោះទៅអាកាសដ្ឋានអន្ដរជាតិតេជោ ក្រុងតាខ្មៅ ខេត្តកណ្តាល។
-ផ្លូវត្រឡប់ចេញពីអាកាសយានដ្ឋានអន្ដរជាតិតេជោ ៖ ១- មហាវិថីសម្តេចតេជោ ហ៊ុន សែន (ផ្លូវ ៦០ម៉ែត្រ) ២- មហាវិថីព្រះមុនីវង្ស ៣- ឆ្លងកាត់ស្ពានមិត្តភាពកម្ពុជា-ជប៉ុន (ជ្រោយចង្វាចាស់) ៤- សណ្ឋាគារ រ៉េស៊ីដង់ សុខាភ្នំពេញ។
-ផ្លូវត្រឡប់ចេញពីសណ្ឋាគារ រ៉េស៊ីដង់ សុខាភ្នំពេញ ៖ ១- ឆ្លងកាត់ស្ពានមិត្តភាពកម្ពុជា-ចិន (ស្ពានជ្រោយចង្វាថ្មី) ២- មហាវិថីព្រះមុនីវង្ស ៣- ផ្លូបេកាសេ បត់ឆ្វេងមកផ្លូវភ្លោះមន្ទីរពេទ្យអង្គឌួង ៤- មហាវិថីព្រះនរោត្តម ៥- គោលដៅបញ្ចប់នៅនាយកដ្ឋានអង្គរក្ស៕ ខៀវទុំ